الجزء الثامن
مزنه تتقلب ع فرشها .. و اتغمض ع عينها بقوه .. تسمع ازعاج بغرفتها ..!!!!
و فجأه حد باسها ع خدها .. و تمت هالبوسات تتردد
غدير: امووووح يلا مزنوووووتي بنروح نحن بشتاق لج يا قلبي
العنود : امووح يلا حبيبتي مع السلامه
امل : اموح و لفي بعد خل ابوسج ع خدج الثاني .. امووووح و ربي بشتاق لج
خلود : مزنووووووووووه حياااااااااتي باستها خلود بوسه رقيقه
مريم : .. تيك كير و لا تقطيعنا انشوفج بعد الامتحانات و باستها ع خدها و سكرا باب الغرفه
مزنه توها استوعبت ...
مزنه : هيييييييييييييييييييييييي ه وقفوا و نشت بسرعه و تغسلت و لبست جلابيتها .. تجحلت << متفيجه <<
و ركضت ع باب غرفتها و اتحصل حسن بويها
حسن : صباااااااح الورد
مزنه : اوف انته ما رحت صباح الخير
حسن : الشو هالطرده يا بنت العمه بعدين نسيتي اني ادرس في بوظبي .. فا حق الشو اسير الشارجه و باجر داوم ..
مزنه : هيييييه نسيت و يت تبى تمشي
حسن : مزنه...
مزنه: خير
حسن : اممممممممممم كنت بقولج شي بس غيرت راي يلا انزلي تحت بسرعه عسب اتسلمين عليهم ترى غمتيه عوشه روحت خلاص
مزنه : مااااااالت عليك و تمت تركض
و شافت غدير اتسلم ع امها جان اتيود غدير و اتم تحضنها
ام حسن : بدوى الافلام الهنديه
الباجي: ههههههههههههههههههههههههه هههههههه
غدير: ايييييه مزنه بس فشلتنا خوزي عني دخيليج شي شباب اهنه واقفين
مزنه انتبهت حق عمرها
مزنه : اوه سوري
صالح : لالا دخيليج اللبناني احلى
مزنه : هييييه اكيد احلى
ام حمدان : حسبي عليج الشو احلى ما احلى صدق ما عندج مذهب
مزنه : ماما عادي ما قلت شي
حميده : و الله لو في زمان اول و بنت جذه اتقول اللبناني احلى و ما ادري الشو بجلعون راسها
جان مزنه اتحط ايدها ع رقبتها : متوحشين كنتوا امااااااااياااااااااا
الباجي: ههههههههههههههههههههههههه هههه
قرب منها خالها ابو حسن و حضنها : دخليلج يا مزنه طلبتج اعقلي اشويه
مزنه : بفكر في الموضوع
بو حسن : هههههههههههه و باسها ع راسها و روح
مزنه سلمت ع الكل و مدت البوز شبرين و نص
بعد ما ظهروا قوم بو حسن من البيت
بو حمدان : الحينه بيبدأ العزى عند مزنه
مزنه : هيييييييه و الله ملل
بو حمدان يطالع حرمته : ما قلت لج
@@@@@@@@@@@@@@@@@
في الدرب ..
عبدالله : ابويه امر ادنوك .. < عبدالله اللي يسوق السياره <
بو عبدالله : ما ادري و الله ها يا ام سعد تبغون حايه
ام عبدالله : هيه مر يا ولدي ...
وصل عبد الله عند محطه ادنوك ..
عبدالله شاب يبلغ 25 سنه .. يعمل في احد القطاعات الخاصه ..
شديد الغيره .. ع خواته .. ما عنده سوالف البنات لان اهتمامه الوحيد هو السياير
كل خميس مطيح في عوافي يشوح و لازم كل شهر عبدالله يسوي حادث سياره وله بيكون شي غريب في العائله ايضا طيب و حنون شهم و رجل و الرجال قليل مؤدب ....!!!!!!! < ع فكره هاي شخصيه ولد خالتي صدق انا غزال ما تنصاد <
عبدالله : ها الشو تبغون
ام عبدالله : خلود الشو تبغين ..؟
خلود : امايا .. ربيع فواكه .. و كرسون جبن بس
ام عبدالله : و انتي مريوم
مريم : أي شي بس عصير فواكه و أي كرسون جبن زعتر أي شي
ام عبدالله : اموله اموله
امل : ها
ام عبد الله : بسم الله عليج وينج
امل : موجوده بس مدوخه ما نمت زين
ام عبدالله : تبغين شي من ادنوك ..؟
امل : لا ما ابغى
ام عبدالله: بس انتي امسات ما اتعشيتي وله اليوم تبغين تترقين الشو سالفتج
امل : امايا ما ابغى
ام عبدالله : لا حول وله قوه الا بالله
عبدالله : امايا خلاص بريها..و نزل عبدالله ايب الاغراض

ام في ردب بو حسن
بو حسن : سكتي بنتج من ظهرنا اتصيح
ترى بو حسن عنده ساره و هي اخر العنقود عمرها 5 سنوات كتكوته سوري ما يبت طاريها البارات اللي طافت
ام حسن : الشو اسوي بها ما ادري بلاها من نشت من النوم ..و هي اتباغم
بو حسن : برااااااااايج يا بنت الحلال دبري عمري ابي اركز في الدرب
ام حسن : ان شاء الله ان شاء الله
بو حسن : هااااا بنات امر ادنوك
ماشي رد
العنود حاطه ام بي اثري تسمع اغاني من الصبح ولاااااااا الحبيبه اتهز راسها
غدير نايمه
بوحسن شاف العنود اتهز برسها جان يهز السياره
العنود : وييييييييييييه بسلام الله الشو صار
بو حسن : الشو صار ....؟؟؟؟ انتي انا جم مره قلت لج يا بنتيه يا حبيبه ابوج . لا تسمعين ال mp4 مالج يا بابا نحن في درب .. لو سويت انا حادث .. الشو راح اتكون خاتمتج اغنيه .. حبيبي قرب بص وبص بص
العنود : ههههههههههههههههههههههههه هههههههههههههههههههه ه
بو حسن : انا ارمس جد
ام حسن : و انته من وين اتعرف هاي الاغنيه تطالعهم عيل ها
بو حسن : هههههههههههههههههه لا و الله مره سمعتها بالردايوا
ام حسن : سمعتها بالرديوا ها ..؟
العنود : ميييييته ضحك
@@@@@@@@@@@@@@@@@@@@
بيت ام سعد ..
نشت منااااال اول وحده بالبيت لانها تدري هاليوم اللي راح اتروح فيه .. سعاد بيتها
و نزلت تتريق حصلت سعاد لابسه عبتها و هي و كرشتها و تطالع تلفزون
منال و هي تتثاوب : الحينه بتروحين
سعاد : هيييييه حبيبتي
منال تتقرب من اختها و تيلس احذالها
منال : حد نش ..؟
سعاد : هيه امايا سارت .. اتيب الريوق
منال : اها
ام سعد : هااااا بنتيه
منال نشت و حبت راس امها : صبحج الله بالخير امايا ..
ام سعد : صبحج الله بالخير و السرور حبيبتي بلاج ناشه من غبشه ..؟
منال : بعد ربج ...!!
نزل بو سعد ..
بو سعد : صبحاكم الله بالخير نشت منال و سعاد يسلمون عليه
و يلسوا يتريقون ارباعه
بو سعد : ام سعد
ام سعد : ليبه
بو سعد : لبيتي في منى دخيليج زهبي اغراضي لا تنسين اليوم
منال : ليش ابويه ..؟ وين رايح ..؟
بو سعد : مسافر اسبوعين وراد .. البحرين الفرع مال الشركه عندهم مشكله بسير اشوف سالفتها و ارد
سعاد : اتروح و اترد بسلامه يا الغالي
الباجي: امين
تقربت منال من ابوها : و لمته ..
طلال توه رفع راسه يشوف السااااااعه و بسرعه نش و غسل ويه .. و سمع صوت هرن برى .. وله يشوف ريل اخته ..
واقف عن باب الحوي ..
طلال : اوووووووووه نسيت سعاد اليوم بترد بيتها الله يلعن الشيطان
و نش طلال يركض و هو تغسل و لابس ملابسه و نزل
و شافهم عن الباب واقفين و كالعاده منال دموعها ع خدها
طلال : انتي متى بتوزين .. صار لها سنه متزوجه و كل ما اتي و اتروح اتسوين لها مناحه
منال : جب انته
طلال : انا جب اوكيه يا ام كشه محروقه و ظهر عنها و صار يسلم ع ( منصور ) ريل اخته
طلال : هلااااااااااااا بو نسب
منصور : مرحباااااا الساع مليون اشحالك و الشو اخر اخبارك..؟
طلال : تماااااام و الله
منصور : جيه ما اتدق وله تسال
طلال : .. و الله ادق بس انته ما اترد امسوي طاف
منصور: اسمحلنا والله تدري بظروف الشغل
طلال : الله يعين
منصور: الجميع يا رب
... ظهرت سعاد ..
منصور: هلاااااا و الله بحبيبتي
طلال : انته هييييييه ما تسحي ع ويهك مضيع المذهب يدامي و اتغازل اختيه
منصور: حلالي .. براي انته الشو لك
سعاد : ههههههههههههههههههههههههه هه
طلال : انزين انا هب معطلنكم يلا توصلون بسلامه طمنونا
و حط ايده ع بطن اخته
طلال : و لد اختيه اتحطه بعينك فاهم .. اذا اشتكالي منك يا ويلك
منصور: هههههههههههههه ..
و سلموا و ظهروا

@@@@@@@@@@
مزنه يالسه ملانه و ما اتعرف الشو اتسوي ...
< < طخ طخ
مزنه : امنو ..؟
صالح : الشيخ صالح
مزنه : مالت .. و فتحت الباب
صالح : مالت عليج هب تارس عينج الشو
مزنه : هيه هب تارس عيني
صالح : اخيييييج ما اداني ارمس وياج
مزنه : هيه انته تراك مصدق عمرك
صالح : هييييييييه عندج مانع
مزنه : لا عندي اخوه ما ادري الشو اسمه اظن دواس
صالح: هههههههههه دمج ثقيل
مزنه : صب عليه ماي
صالح : بتعلبين وياي سوني خل افوز عليج
مزنه : اول كنت ما بلعب بس الحينه بلعب وياك .. خل انشوف امنو بيفوز
و يلست مزنه ويه اخوها يلعبون
....
ام حمدان : ياااااااا مزنه ..
مزنه : نعم امايا
ام حمدان : العصر بنمر ع ام سعد بتين
مزنه : < اكيد < هيه بي
ام حمدان : اوكيه نشي سوي سويت هب عدله انمر عليهم و ايدنا فاضيه
مزنه : هيه اوكيه


حمدان في غرفته الخاص .. يالس مجابل هاي الشاشات .. و يحوظ بالنت
جاسم : حمدان حمدان
حمدان : هلا
جاسم : ما بتي وينا بنسير المباره اليوم بيعلب نادي ******* ضد ***********
حمدان : ها لا هب ياي وياكم
جاسم : ليش..؟
حمدان و اول مره اتيه العصبيه
حمدان : انته تستهبل .. ما اتشوفني ما اروم اتحرك تباني اي ع المدرجات ...!!!!!!!!!!!!!
جاسم اهتز كيانه من صوت اخوه
و مزنه اللي كانت سايره صوب المطبخ سمعت حسهم و يت تركض
مزنه : بلاكم ..؟
جاسم : ماشي ماشي
و ظهر جاسم
حمدان نزل راسه و مزنه عقدت حوجبها و ظهرت من المطبخ ...
اتسوي الكيك ..

...في بيت ام سعد ...
طلال : اللحمد الله
ام سعد : ايلس للحينك ما كلت شي من غداك
طلال : هب مشتهي
ام سعد : انزين ابى ارمسك وياك انا
طلال : ان شاء الله
عقب الغذى يلست .. ام سعد مع ولدها طلال
ام سعد : يا طلال .. محد جبرك يوم يت و قلت لي انك تبى ساره
طلال : ما كنت مفكر زين و من جذه قلت لج خلي السالفه لين بعد الثونيه
ام سعد : انته .. فاكر بنات الخلق لعبه .. امس تبها و اليوم لا
طلال : يا امايا انا قلت من الاول ما اتسرين تخطبنها كيف اتسرين دون ما اتخبريني ..؟ و لا تاخذين شوري

< منال كانت واقفه عند الدري و تسمع كل همسه تنقال .. فتحت عينها و حطت ايدها ع حجلها لا تغلط و اتصرخ و ركضت ع غرفتها <
ام سعد : اللي صار صار خلاص
طلال : امايا هذا زواج هب لعبه ...!! انتي لازم تنهين كل شي
ام سعد : الشو ...؟؟ اسير اقول حق اختيه انك عايف بنتها ليش ...؟ الشو ناقصها ...!!! ايد وله ريل
طلال : هب ناقصها شي كامله و الكامل الله بس انا ما ابغاها
ام سعد : انته حاط عينك ع وحده
طلال : حاط وله هب حاط الزواج هب بالغصب اصلا ما يوز و سار غرفته
ام سعد : الله يهديك يا ولديه ...
@@@@@@@@@

غدير يالسه ع لابها اتسوي البروجكت مالها
<< طخ طخ <<
غدير : اتفضل ..
سالم : فتح الباب يتي البيت وله قلتي بمر ع اخويه بسلم عليه مالت عليج
غدير: حبيبي سلوم انته في البيت اتحريتك صايع في هاي الشوارع كالعاده
سالم : هههههههههههههههههههههه
غدير: تعال انته ليش ما يت وينا بيت عموه خلود < غمزت له < كانت اهناك
سالم: سو وت ؟؟؟ بعدين انا كنت بزي
غدير: هيه نست واعليه عندك شركات و مقاولات و حالتك حاله
سالم : تتطنزين ...؟
غدير: لا لا حشى
سالم : هب منج من اللي اي و يعطيج ويه
غدير: فديت اللي يحرجون و الله
سالم : تفداج الجنه
غدير و كان سؤال بخاطرها
سالم : قولي قولي
غدير: اممممممم سالم ليش ما اتسير اتزور حرمتك او تاخذها اتظهرها
سالم تغيرت الوانه
غدير : سوري لو ضايقتك
سالم : لا ما ضايقتني .. ادري انه لازم هذا اللي يصير بس انا بعدني ما تعودت ع انه خلود حلالي
غدير: صار لك 6 اشهور مالج .. و للحينه ما تعودت
سالم : .. الشو اسوي بعد
غدير: الله يعين خلود عليك
سالم نش و ظهر من الغرفه بدون اي كلمه
...
بين افكاره
فعلا انا مقصر وياج يا خلود اسمحليلي .. انا اسف .. انا ما استهالج
انا احبج بس حبج اندفن .. اندفن ... و تمت ذكريات .. اتمر بخياله ..
تم يحيد يوم كان يبتسم حق خلود .. و هي كانت تصده بنظره احتقار
و تم يحيد كم مره كان بيى يرمسها تتحرك قبل لا ينطق بحرف ..!!!
@@@@@@@@
من ناحيه ثانيه
خلود بفرشها دموعها ع خدها ..!!

اذا ما تحبني ليش يت و خطبتني .. و تمت اتحيد يوم امهاو ابوها اجتمعوا بها عسب يخبرونها انها اخطبت و هي ما صدقت انه سالم خاطبها ع طول وافقت ..!!
صحيح كنت اصده و يوم يتبسم في ويهي احتقره و يوم يبى يرمسني .. ابتعد عنه ..ّّ كل هذا لاني احبه
و ما ابغاه يكتشف هالشي بعيوني ..!!
و ابتسمت .. يوم تمت اتحيد .. كيف كانت تبى اتغايض سالم .. يوم كان جاسم يالس امجابلها تمت تطالعه و تم جاسم مستغرب نظرتها و عقب تم يضحك لانه حس بالسالفه ..!!
لكن سالم تغيرت الوانه و حرج و نش و ابتسمت خلود بكل نصر ..
و من ذيك اللحظه عرفت انه سالم يحبها >>>
الشو اللي غيرك يا سالم...

@@@@@@@@@@@
العصر ....
ام حمدان : مزنه خلصي الا رايحين بيت خالتج ام سعد هب عرس
مزنه : انزززين ياااااايه
و نزلت مزنه و كانت لابسه مخوره ورديه بها فصوص بنفسجيه مجحله
ام حمدان : الشو ها وين رايحه عرس
مزنه : امايا يعني شقايل تبغين اروح اروح و كشتي منفوخه ...؟
ام حمدان : ههههههههه لا حبيبتي انزين يلا انروح

و ظهروا من البيت ..
...
منال كانت اتروح و اترد و اتروح و اترد
و شافت مزنه و امها .. يمشون
منال : صرخت باقوى ما عندها مز زززززززززنه
طلال و هو يظهر من غرفته بسرعه وين وين وين مزنه ..؟
منال : في بيتنا
طلال يلف يمين يسار : وين ..؟
منال : ههههههههههههههه خبل و الله توها حادره الحوي
طلال يعطيها ظهره و يشخطها تحت..
ام سعد : حياه الله من زرنا
طلال و هو نازل من ع الدري ": اماي ليش بيتنا منور اليوم
ام سعد مستغربه من ولدها ..و من تغير مزاجه : ههههههههههه لانه خالتك ام حمدان موجودين عندنا
ام حمدان : البيت منور باهله يا الغاليه
طلال : هلا خالتيه اشحالج
ام حمدان : اللحمد الله يا ولدي
طلال : اشحالج مزنه
مزنه بحياء و اضح : اللحمد الله من صوبك
طلال : انا الحينه بخير
جان يحصل طلال قرصه ع ظهره من ايد منال
منال : مرحبا خالتيه
ام حمدان : مرحبا بنتيه اشحالج
منال : طيبه من صوبج
ام حمدان : اللحمد الله بخير
منال اتاشر حق مزنه يعيني تعالي انسير فوق ..
روحت مزنه مع منال غرفتها ...
@@@@@@@@@@

في عالم ثاني كانت امل ماسكه تلفونه و محتاره تتصل في حمدان وله لا ..
و اتفكر ... اتصل وله لا
@@@@@@@@@@@@@

مزنه اللي انقلبت الونها من سمعت اخر كلمه نطقت بها .. منال
منال : الحقي يا مزنه .. اماايا روحت خطبت ساره حق طلال امسات
مزنه : ما اترد
منال : ردي علي بلاج صاخه مزنه نشت بسرعه و فتحت باب غرفه منال و شافت طلال يالس فوق في الصاله يطالع تلفزون


مزنه : جذبت علي يا طلال عشتني بوهام ....!!! ليش الشو سويت بك ........؟؟ في الشو ضريتك
ليش ختنتي و خطبت ساره
طلال : يا مزنه يعلم اللي فوق سبع سموات انه قلبي ما حب غيرج و انه اللي صار هب في ايدني
مزنه : ما عاد ينفع اللي صار صار .. اللي ابيك تنساني .. و انا و انا .. بحا ول انسا...ك

ركضت مزنه و دموعها ع خدها ع الدري و الطلال شرات المينون واقف ما يعرف الشو يسوي و له عارف الشو اللي صار ... انساج انتي خبله يا مزنه
@@@@@@@
مزنه : اماايا انا برد البيت
ام حمدان : بسم الله بلاج
مزنه ظهرت
ام حمدان : لا حول اسمحليلي يا ام سعد لازم الحقها

نهايه الجزء الثامن
لقطات من الجزء التاسع

طلال : ليش جيه تطالع البنت يا سالم اتعرفها ..؟
سالم : هيه اعرفها هاي ساره

@@@@@@@@@@@@@@@@
حمدان : الو امنو .. اوف الشو هاي العله صار لكم يومين ادقون و اتسكرون الفون
امل : الو حمدان
حمدان : امل ...!!