للشاعر المميز :جمعه بن نايم الكعبي

،،
،،

مابقى للحب ياابن الناس داعي
ومابقالي قلب له حس وشفاعه
.
لاسلام ولا كلام ولاوداعي
إنتهينا من عنا الحب وخداعه
.
حبك اللي كم رجيته منك ضاعي
وإنت أول من تسبب في ضياعه
.
القناعه كنز لو فيك إقتناعي
ما عرفت الكنز يبقى في القناعه
.
مثل ما انته تقول عن قلبك شجاعي
بي فضول اعرف مدى هذي الشجاعه
.
إن بغيت تكون واعي كون واعي
لا يغرك كثر طيشك وإندفاعه
.
وإن بغيت تحب مثل الناس راعي
شوف وإتعلم وإللي يراعيك راعه
.
ماتشرف تستوي سبة ضياعي
والقطاعه مادواها إلا القطاعه
.
لا يغرك يوم جيتك بإندفاعي
كنت متعشم في قولك وإستماعه
.
خذت منك دروس وأبديت إنطباعي
ولي شراتك ميت فيه إنطباعه
.
عن ودادك برتفع فوق إرتفاعي
وإن قدرت أوصل لقصدي وإرتفاعه
.
روح دور لك على 'قلب صناعي'
مب أنا اللي يقول لك سمعا وطاعه