صفحة 1 من 5 1 2 3 4 5 الأخيرة

الموضوع: شعر فى حب مصر

شعر فى حب مصر عجبنى ونقلته لكم بَحِبِّكْ يا مصرْ .. وبعشقْ ترابكْ . وألِفْ المداينْ .. وأرْجعْ لبابِكْ . وأحِسْ بكيانى .. وكرامتى

  1. #1

    Mnn شعر فى حب مصر



    شعر فى حب مصر
    عجبنى ونقلته لكم

    بَحِبِّكْ يا مصرْ ..

    وبعشقْ ترابكْ .

    وألِفْ المداينْ ..

    وأرْجعْ لبابِكْ .

    وأحِسْ بكيانى ..

    وكرامتى فْ رحابِكْ .

    يقولوا فقيره ..

    يقولوا أسيره ..

    بشوفِكْ أميره ..

    وأحبِّكْ يا مصرْ .



    بحبِّكْ ملايه .. ومنديلْ بِقُويا .

    مقالبْ من أختى .. وغتَاته مْنْ أخويا .

    ودعوه مِنْ أمى .. تنسينى همِّى ..

    وحِكْمَه مْنْ أبويا.

    وأحبِّكْ صبيِّه .. على البحرْ جايَّه ..

    فى ساعةْ عصَارى .

    ونسمه قُبَالْها .. تطيَّرْ فى شالْها ..

    تبَيِّنْ جمالها .. وتِرجعْ تدارى .

    وأحبِّكْ مراكبْ .. تعدِّى إللِّى راكبْ ..

    لبرْ الأمانْ .

    يدوبْ جوَّا نيلكْ .. ويعطشْ يجيلكْ ..

    يقوللِّكْ كمانْ .



    وأقابلِكْ ببُوسه .. فى زفِّةْ عروسه ..

    ولَمَّه فى بيتنا ..

    مع ولادْ حارتْنا ..

    تدُقْ المزاهرْ .. ترُدْ المزامرْ ..

    تزَغْردْ جارتْنا .

    نهلِّلْ .. نغنى ..

    وحلمْ التمنِّى ..

    ينورْ ليليتنا .

    وأحبِّك زياره لبيتْ عمْ سيدْ ..

    ده أصله فقير مِشْ حيقْدرْ يعَيِّدْ ..

    نعَيِّدْ عليه .. نفرَّحْ عنِيهْ ..

    ويدعيلْنا دعوه بمليونْ جنيه .



    فى أرضِكْ يحِسْ الغريبْ إنُّه مصرى ..

    وإحنا الأجانبْ .

    ويلْقَى الرعايهْ .. ويلْقَى الحمايهْ ..

    على كلْ جانبْ .

    ويمشى ف ربوعِكْ .. ويشبعْ بجوعِكْ ..

    ويعملْ مصايبْ .

    ويرحلْ وينسى .. جِميلِكْ ويقْسَى ..

    ويطْلَعْ يعايبْ .

    ويرْجعْ تسامْحى .. يا ساكنه فْ ملامحى ..

    يا سِتْ الحبايبْ .



    ولادِكْ بَنُوكى .. بروحْهُمْ فَدُوكى ..

    ويِشْهدْ عليهمْ ترابكْ فى سينا .

    ومنهُمْ با عوكى .. عشانْ الشِيروكِى ..

    وفيللَّا فْ مارينا .



    يعيشوا فى خيرِكْ .. ويدُّوهْ لغيركْ ..

    ولادْ اللَّذِينا .

    ولوْ جارْ زمانْهمْ .. يعودُوا لْمكانهمْ ..

    يلاقوا السَكينَهْ .

    وتِنْسِى جحودْهمْ .. وتبكى عليهمْ ..

    عنيكى الحزينهْ .



    فى أرضكْ سرَحْتْ .. فشَلْتْ ونَجَحْتْ ..

    وعشْتْ بْبساطَهْ .

    صاحِبتْ الحمَامْ .. ونِمْتْ فْ سلامْ ..

    ولوَْ عَ البلاطهْ .

    تِغَيَّرْ فى شَكلى ..همومى ومشَاكْلى ..

    لكِنْ روحى لأْ .

    أعَبَّرْ بغنْوهْ .. وأقولْ نُكتهْ حلوهْ ..

    لكِنْ يأسْ لأْ .

    ما طيقْشْ الغَتاتهْ ..

    وقلبى المسالمْ ما يعرفْ شّماتهْ ..

    وأقولْ بالتلاتهْ ..

    بحبِّكْ .. بحبِّكْ .. بحبِّكْ .. يا مصرْ



    منقول للامانه




  2. #2

    رد: شعر فى حب مصر

    الله يحمي مصر واهل مصر
    ويرد كيد اعداء مصر الى نحورهم
    يعطيك العافيه روجي

  3. #3

    رد: شعر فى حب مصر

    كلنابنحبك يامصر..
    الله يحميكي ويحفظ شعبك..
    شكرا لك روجي على النقل الجميل..

  4. #4

    رد: شعر فى حب مصر

    بتي

    نبض الوفاء


    شكرا لمروركم
    دعواتكم لينا

  5. #5

    رد: شعر فى حب مصر

    الله يحمي مصر واهل مصر ويكفيهم شر الفتنه والعملاء اللذين اثاروا الشعب بالفتن
    وقسموا الشعب لمؤيد ومعارض

  6. #6

    رد: شعر فى حب مصر

    وأقولْ بالتلاتهْ ..

    بحبِّكْ .. بحبِّكْ .. بحبِّكْ .. يا مصرْ


    وانا اقول
    بالتلاتهْ ..
    كلنا
    بنحبِّكْ .. بنحبِّكْ .. بنحبِّكْ .. يا مصرْ


    سلمت يمينك على الاختيار الرائع
    والحس المرهف والذوق الرفيع

  7. #7

    14 رد: شعر فى حب مصر

    الله يديم امان مصر وستقرارها

    ويكتب لأهلها كل خير وسعادهـ

    من تميز إلى ابداع اختي روجي

    كل الود،،،

صفحة 1 من 5 1 2 3 4 5 الأخيرة

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

تسجيل الدخول

تسجيل الدخول
// -->
شعر فى حب مصر
5 5
شعر فى حب مصرشعر فى حب مصر عجبنى ونقلته لكم بَحِبِّكْ يا مصرْ .. وبعشقْ ترابكْ . وألِفْ المداينْ .. وأرْجعْ لبابِكْ . وأحِسْ بكيانى .. وكرامتى فْ رحابِكْ . يقولوا فقيره .. يقولوا أسيره .. بشوفِكْ أمير