صفحة 1 من 10 12345678910 الأخيرةالأخيرة
النتائج 1 إلى 7 من 65

الموضوع: قصائد فى حب مصر

لنجعل هنا واحة نصب فيها مشاعر الحب لمصرنا الحبيبة..حب مصر يجرى ف دمى وينبض كدقات ساعة ..ويسرى كجريان نهر.. اتمنى ان اعتلى اعلى قمة ف الدنيا واردد احبك يامصر

  1. 06-Feb-2011 10:16 AM

     

     

     

     


    لنجعل هنا واحة نصب فيها مشاعر الحب لمصرنا الحبيبة..حب مصر يجرى ف دمى وينبض كدقات ساعة ..ويسرى كجريان نهر..
    اتمنى ان اعتلى اعلى قمة ف الدنيا واردد
    احبك يامصر

    فهل ترددون معى هنا سطور نابضة بحب مصر بانامل الشعراء وماتجود به قلوبهم وماتضخه مشاعرهم ..وايضا ماتجود به اقلام الاعضاء ف حب الغالية مصر



    قصائد



  2. 06-Feb-2011 10:25 AM


    الحدود
    للشاعر المصرى
    سيد حجاب
    وإحنا فايتين ع الحدود

    مستمرين فى الصعود


    اختفى النيل الجميل من تحتنا


    والمدن .. والريف


    وأول عمرنا


    وابتدا شىء ينجرح جوة الوجود


    وابتدينا أسئلة مالهاش ردود ..


    ميلنا ع الشباك نخبى


    دمعة فرت مننا ..


    بصة من الشباك على البحر البعيد


    واحنا رايحين بالامال عالم جديد


    كنت فاكرة يامصر انى تعبت منك


    واكتشفت انى محال استغنى عنك
    حتى دوشة صوت جيرانى


    والزحام وحشونى تانى


    بسمة حلوة لطفلة لسة صغيرة


    لما كنت اديها حتة سكرة


    قبل مانسيبك وحشتينا


    يامصر ياأمنا ..






    كنت بتذكر وانا فى غاية الاسى


    لعبنا الكورة فى حوش المدرسة


    والشقاوة واحنا لسة صغيرين


    والبراءة والصحاب الطيبين


    لما سألتنى اللى جنبى


    انت مصرى؟؟ دق قلبى


    اسمى زى السحر رفرف ع المكان


    زى نسمة مهفهفة بصوت الادان


    أيوة مصريين لآخر كل نقطة فى دمنا


    أيوة مصريين لاخر كل نقطة فى دمنا






    الوجوه من تلج وعيون من ازاز


    شوقى زاد للعشرة والناس العزاز


    وابتديت اكتب وانا فوق السحاب


    ابتديت ياحبيبى فى اول جواب


    مصر انتى حتة منى


    مش مجرد اسم وطنى


    قالوا فاضل نص ساعة ع الوصول


    قلت ايه معنى الساعات والا الفصول


    الا فى الارض اللى فيها ذكرياتنا وحبنا


    الا فى الارض اللى فيها ذكرياتنا وحبنا





  3. 06-Feb-2011 10:36 AM



    على اسم مصر


    على اسم مصر التاريخ يقدر يقول ما شاء

    أنا مصر عندي أحب وأجمل الأشياء


    بحبها وهي مالكة الأرض شرق وغرب


    وبحبها وهي مرمية جريحة حرب


    بحبها بعنف وبرقة وعلى استحياء


    واكرهها وألعن أبوها بعشق زي الداء


    واسيبها واطفش في درب وتبقى هي ف درب


    وتلتفت تلاقيني جنبها في الكرب


    والنبض ينفض عروقي بألف نغمة وضرب


    على اسم مصر


    مصر النسيم في الليالي وبياعين الفل


    ومرايه بهتانة ع القهوة .. أزورها .. واطل


    القى النديم طل من مطرح منا طليت


    والقاها برواز معلق عندنا في البيت


    فيه القمر مصطفى كامل حبيب الكل


    المصري باشا بشواربه اللي ما عرفوا الذل


    ومصر فوق في الفراندة واسمها جولييت


    ولما جيت بعد روميو بربع قرن بكيت


    ومسحت دموعي في كمي ومن ساعتها وعيت


    على اسم مصر


    أنا اللي اسمي حتحـور .. أنا بنت رع


    مثـال الأمـومـة ورمـز الحـنـان


    تفـيض حـلمـاتي وتمـلا الـتـرع


    وتسـقـي البـشـر كلهـم والغـيـطان


    نهايته يا مصر اللي كانت أصبحت وخلاص


    تمثال بديع وانفه في الطين غاص


    وناس من البدو شدوا عليه حبال الخيش


    والقرص رع العظيم بقى صاج خبيز للعيش


    وساق محارب قديم مبتورة ف أبو قرقاص


    ما تعرف اللي بترها سيف والا رصاص


    والا الخراب اللي صاب عقل البلد بالطيش


    قال ابن خلدون أمم متفسخة تعيش ليش


    وحصان صهل صحى جميع الجيش

    على اسم مصر



    النخل في العالي والنيل ماشي طوالي


    معكوسة فيه الصـور .. مقلوبة وانا مالي


    يا ولاد أنا ف حالي زي النقش في العواميد


    زي الهلال اللي فوق مدنة بنوها عبيد


    وزي باقي العبيد باجري على عيالي


    باجري وخطوي وئيد من تقل أحمالي


    محنيه قامتي .. وهامتي كأن فيها حديد


    وعينيا رمل العريش فيها وملح رشيد


    لكني بافتحها زي اللي اتولدت من جديد



    على اسم مصر


    مصر .. التلات أحرف الساكنة اللي شاحنة ضجيج


    زوم الهوا وطقش موج البحر لما يهيج


    وعجيج حوافر خيول بتجر زغروطة


    حزمة نغم صعب داخلة مسامعي مقروطة


    في مسامي مضغوطه مع دمي لها تعاريج


    ترع وقنوات سقت من جسمي كل نسيج


    وجميع خيوط النسيج على نبرة مربوطة


    أسمعها مهموسة والا أسمعها مشخوطة


    شبكة رادار قلبي جوه ضلوعي مضبوطة


    على اسم مصر


    وترن من تاني نفس النبرة في وداني


    ومؤشر الفرحة يتحرك في وجداني


    وأغاني واحشاني باتذكرها ما لهاش عد


    فيه شيء حصل أو بيحصل أو حيحصل جد


    أو ربما الأمر حالة وجد واخداني


    انا اللي ياما الهوى جابني ووداني


    وكلام على لساني جاني لابد أقوله لحد


    القمح ليه اسمه قمح اليوم وأمس وغد


    ومصر يحرم عليها .. والجدال يشتد
    لصلاح جاهين
    ع حد علمى
    دموووع الخررريف
    بحبك يامصر

    التعديل الأخير تم بواسطة دموووع الخررريف ; 06-Feb-2011 الساعة 12:11 PM

  4. 06-Feb-2011 10:46 AM

    ف يوم النصر
    ف أكتوبر
    ف شهر الصوم
    على الجبهه
    عشان خطرك ..
    دفع مهرك
    وسال دمى
    على ترابك
    وشوفته أبويه
    ف منامى
    يا مصر..
    ف حضني
    بتنامي
    و غنيلك..
    تغنى له
    وبفرح جوه أحضنانك
    فحبك مصر..
    ضحينا
    حدود الصعب ..
    عدينا
    وبسم الله وكبرنا
    رفعنا الرايا بادينا
    ف حبك مصر
    بحور الشعر
    ننساها
    و بكتبلك على الأشواق
    أنا المشتاق تضميني ..
    أنا الشاعر ..
    بحالة عشق فياضة
    أنا نفسي أكون نيلك
    و قنديلك
    و انور لك أنا ليلك
    أكون لحنك
    و أغني لك
    عن الأشواق
    وعن عمرك
    وعن شمسك
    وعن قمرك
    وع الأغصان
    يا غصن زتون
    حمام ابيض
    تاريخ وحضاره جواكى
    ياست الحسن
    يا شيله الحزن من قلبي
    و زراعه الحب جوانا
    وحشتيني وأنا معاكى
    أنادي لك
    أنا جيلك
    أنادي لك ..
    تضميني
    وتخدينى
    تلاقيني ..
    أنا في نيلك
    وعديلك من الأهوال
    وان طالت ..
    هموم الدنيا
    لو مالت على كتفك
    اشيلها لك ..
    وعديلك صعاب وصعاب
    بحبك مصر وبقوه
    يا نبض القلب من جوه
    يا دم بيجري
    في عروقي
    كتبت لك
    ومن شوقي
    بحب في شعبك الطيبه
    وروح النصر
    بحبك مصر


    شعر اكرم حسن


  5. 06-Feb-2011 12:07 PM

    الشاعر فاروق جويدة يعزف بقلبه قبل انامله سطور العشق ف حب مصر

    انظروا معى قصيدة
    حنين


    سافرتُ يوما .. وظل القلب في بلدي
    حاولتُ أنساهُ .. لكن خــــانني جلدي


    أنساك يا مصرُ ؟ .. كيف القلبُ يسكنني
    وكيف للروح أن تمضي عن الجسد ؟ !


    أهــواك عــمــرا جميلا لا يفــارقني
    وقـصـة من هوى تحــيـــا إلي الأبد


    يا مصرُ .. يا قبلة العشاق .. يا وطني
    كل الأماني مضت .. وبقيت لي سندي


    في القلب نبضُ وفي الأعماق أغنية
    مهما رحلتُ سيبقى .. القلبُ في بلدي

  6. 06-Feb-2011 12:38 PM

    تحياتي يا دموع الخريف

    مصر هي محور الأمة
    مصر هي مقياس الأمة
    اذا ارتفع ارتفعت الأمة
    واذا انخفض انخفضت الأمة
    مصر قبل 25 يناير غير مصر بعد 25 يناير
    يا دموع لقد احسست بأنك بقمة الفرح والأمل والطموح لتغيير الواقع المصري
    ليكون رقم 1 في هذه الأمة حيث التعليم والصحة والثقافة والحضارة

    يا دموع
    لقد اطلقت عليك لقب دموع الفرح قبل اشهر من الان
    فأرجو منك أن يكون لقبك دموع الفرح اذا امكن
    حتى يكون بشارة لنا ولأبنائك ولأحفادك
    وصدق اخونا اليتيم عندما قال بأنك كلك حنان في حنان وطهارة القلب
    والنية السليمة

    كبيره يامصر كبييييييييييييره
    الشباب والشابات في مصرنا المحبوبة هم الخلايا الحية التي تجدد الدماء في حياة مصرنا المحرووووسة
    كبييييييييييره والله كبييييييييييره

    شكرررررررررررررررررررررررا
    كل الشكر والمحبة لك يا دموع الفرح ومصر تبقى لنا المنارة التي نتطلع اليها


    الصــــقـــــــــــــر

  7. 06-Feb-2011 01:19 PM

    اقتباس المشاركة الأصلية كتبت بواسطة الصقــــــر مشاهدة المشاركة
    تحياتي يا دموع الخريف

    مصر هي محور الأمة
    مصر هي مقياس الأمة
    اذا ارتفع ارتفعت الأمة
    واذا انخفض انخفضت الأمة
    مصر قبل 25 يناير غير مصر بعد 25 يناير
    يا دموع لقد احسست بأنك بقمة الفرح والأمل والطموح لتغيير الواقع المصري
    ليكون رقم 1 في هذه الأمة حيث التعليم والصحة والثقافة والحضارة

    يا دموع
    لقد اطلقت عليك لقب دموع الفرح قبل اشهر من الان
    فأرجو منك أن يكون لقبك دموع الفرح اذا امكن
    حتى يكون بشارة لنا ولأبنائك ولأحفادك
    وصدق اخونا اليتيم عندما قال بأنك كلك حنان في حنان وطهارة القلب
    والنية السليمة


    كل الشكر والمحبة لك يا دموع الفرح ومصر تبقى لنا المنارة التي نتطلع اليها


    الصــــقـــــــــــــر
    تسلم ياالصقر ع عذب كلماتك..واشكرك ع كلماتك الحلوة ف حب وطنى..ووطن كل الامة الاسلامية..ربى مايحرمنى من هاالطلة الحلوة..نورت منتدانا الحبيب ..والله لا استطيع وصف سعادتى حين رايت اسمك مرة اخرى ..اتمنى ان تدخل قسم التهانى

    ودى

    دموووع الفرررح


 
صفحة 1 من 10 12345678910 الأخيرةالأخيرة

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
قصائد فى حب مصر
5 5
لنجعل هنا واحة نصب فيها مشاعر الحب لمصرنا الحبيبة..حب مصر يجرى ف دمى وينبض كدقات ساعة ..ويسرى كجريان نهر.. اتمنى ان اعتلى اعلى قمة ف الدنيا واردد احبك يامصر فهل ترددون معى هنا سطور نابضة بحب مصر بانامل الشعراء وماتجود به قلوبهم وماتضخه مشاعرهم ..وايضا ماتجود به اقلام الاعضاء ف حب الغالية مصر http://alfaris.net/up/65/alfaris_net_1296976556.gif