صفحة 1 من 2 12 الأخيرةالأخيرة
النتائج 1 إلى 7 من 8

الموضوع: في بيت علياء قصة روووعة

في بيت علياء . . سالم : عليوه وصمخ ،. شلي هالتلفون ربيعاتج حشروني .. ترى أي وحده تدق بسبها وبسد التلفون في ويها

  1. 04-Apr-2011 05:41 PM

    12 في بيت علياء قصة روووعة

     

     

     

     

    في بيت علياء

    .

    .

    سالم : عليوه وصمخ ،. شلي هالتلفون ربيعاتج حشروني .. ترى أي وحده تدق بسبها وبسد التلفون في ويها

    علياء: وانت ليش محتر شاللي مغيضبك .. يوم يتخلص الثانويه ساعتها بتعرف شو هي ملذة النجاح ..

    سالم : انزين انزين عن الفلسفه الزايده وسيري ردي على البنيه نقعتيها على الخط

    علياء: الو مرحبا ..

    هند : هلا هلا والله علايه اشحالج حبيبتي

    علياء : بخير الله يسلمج هنودي حياتي ، ها بشري شو النتيجه

    هند : بعد تدرين

    علياء : لاتقولين

    هند : شو اسوي هاللي قدرت عليه وتعرفين كل شيء من رب العالمين نحن نرضابه

    علياء: انزين خبرينيا كم النسبه

    هند : لا استحي اخبرج

    علياء: لا ترفعين ضغطي ، تراني هب ناقصه ، يسدني سلوم مغصص عليه حياتي

    هند: لا هذا ريلي مااسمحلج تغلطين عليه.

    علياء: اوه نسيت .. والله اخر زمن الريل توه في اول ثانوي والحرمه ماشاءالله بتدخل الكلية

    هند : احرجتيني ..

    علياء: خل عنج هالسوالف وقوليا كم النسبه لاييج الحين وازغدج

    هند : بس لاتضحكين عليه

    علياء: افففف منج خلاص ما بضحك

    هند: 93,5

    علياء: يالدبه واونه من الصبح تحرقلي اعصابي .. والله يبالج ضرب يالماصخه وتتدلع اونها

    هند : شو اسوي .. انزين انتي كم نسبتج

    علياء : مالت على ويهي يبت 87,3

    هند : ماشاءالله عليج

    علياء: والله كان بودي اييب نسبه اعلى وافرح ابويه في بنته الوحيده لكن الحمدالله

    هند: انزين وايحن وين ناويه تدرسين

    علياء: اكيد التقنية .. وانتي

    هند : مدرى ابويه شار عليه اني ادخل جامعة الشارجه .. وادخل تخصص قانون ..

    علياء: وابوي عليج انتي محد يروملج .. يتصيرين محامية .. عاد كل قضايانا عندج .

    هند : لا بسم الله عليكم وشلكم فالمحاكم ان شاءالله ما بتحاتيون حق المحاكم ..

    علياء: يمكن الغالي يحتاي

    هند : منو تقصدين الغالي ؟

    علياء: الغالي! خلودي

    هند : فال الله ولا فالج ،...

    علياء: انزين حياتي بخليج ويا حبيب القلب تفكرين فيه وانا بسير عند ابويه بشوف اذا يبغي مني شيء .

    هند: والعزيمه

    علياء: بدقلج خلاف وبخبرج

    هند: لاتبطين تراني اترياج

    علياء: اوكي يالله جااااااااااااااااااو

    هند: بيباي حبيبتي

    هند وعلياء اصدقاء من ايام الروضه .. وطبعا طول سنوات الدراسه وهن مع بعض مايفترقون ، لكن هند قررت انها تدرس في جامعة الشارجه ، يعني بتهد بوظبي وبتسير هناك ، وعلياء ماقدرت تمنعها لان هذا حلم هند وهي اللي تبغيه .. هند كانت تحب ولد عمها خالد اللي سافر للخارج ليكمل دراسته بعد ما اتخرج من كلية زايد برتبة ملازم .. ومرت الايام وهند انتقلت للشارجه .. وعلياء التحقت بكلية التقنيه ... كانت علياء غير اجتماعيه، .. تغيرت حياتها بعد وفاة امها فصارت انطوائية، وخاصه انها وحيدة اخوانها..عندها 3 اخوان واحد اكبر منها اللي هو عبدالله 20 سنة واثنين اصغر منها وهم سالم16 وعلي14 ..علياء انسانه هاديه ..رقيقه .. ماشاءالله عليها تفتن الناس بجمالها العذري.. وكانت تقضي معضم الاوقات على الشات ..وعلى المنتديات .. كانت تحب تتعرف على البنات من مختلف دول الخليج بس على الماسنجر .. انسانه يوم اتشوفها ودك تتقرب منها .. في شيء يجذبك لها ..بس هي ما تحاول تتقرب من حد .. خجلها وخوفها يمنعها..نظراتها كلها حزن .. الله العالم شو سبب هالحزن.. .. ما تحب اتكون علاقات .. يعني معرفتها باصدقائها سطحيه .. دومها ساكته كتومه ..محد يعرف كيف اتفكر ..بشو تحس ..

    وصارت مدمنه على الشات طول الوقت ليل ونهار.. كانت تدخل باسم ولد لانها ما تحب حركات الشباب يعني يوم يشوفون بنت لازم يرمسونها ويرقمونها .. هيه تدخل تبى اتضيع وقت ما تبى الشباب.. بس تبى اتسولف .. والنك نيم مالها هو"* دلوع بوظبي"* .. يوم من الايام يوم كانت فالشات.. ترمس واحد اسمه"*ذيب الامارات"* هو دوم يسولف وياها بس طبعا محد من اللي فالشات يعرف بحقيقة "*دلوع بوظبي"*...

    .

    .

    دلوع بوظبي: السلام عليكم

    ذيب الامارات: وعليك السلام هلا والله بدلوع ..

    دلوع بوظبي : هلا ذيب اشحالك

    ذيب: يسرك الحال ولايضرك واعلومك ربك الا بخير

    دلوع بوظبي: والله بخير .. عيل وين كونان عنك ما اشوفه

    ذيب الامارات: كونان هالخاين سار دبي ولا شلني وياه .

    دلوع بوظبي : افا والله ماهقيتها منه .. كيف جي يخليك ويروح عنك .. عيل وين الحب ..

    ذيب الامارات: هيه شفت كيف سوها فيني ، ماعليك انت بس، خله يرد بيشوف شغله عدل.

    دلوع بوظبي: هيه جي اباك لا تخليه يلعب بذيله ..

    ذيب الامارات: هههههههه اللي يسمعك يقول انه حرمتيا ..

    دلوع بوظبي : والله وعليك سوالف ذيبوه ..

    ذيب الامارات : اسمع هالاغنية اهدء لك ...

    دلوع بوظبي : مشكور ماتقصر . ...

    وبعدها يسكت دلوع لان واحد حدر الشات وتم يسب وذيب والباقي يردون عليه ،.. تم دلوع بوظبي يكتب اشعار ،.. وبعدين وحده من البنات دخلت عليه على الخاص..

    شجون القلب: ممكن دقيقه ..

    رد عليها دلوع بوظبي : هلا وغلا آمري يالشيخه ..

    شجون القلب: ممكن اتعرف عليك

    دلوع بوظبي : هيه ممكن

    شجون القلب: شو اسمك

    دلوع بوظبي : بن تريم

    شجون القلب: كيف يعني اسمك بن تريم

    دلوع بوظبي : اسمي على بن تريم

    شجون القلب : عاشت الاسامي ياعلي

    دلوع بوظبي: عاشت ايامج يالغاليه

    شجون القلب: انزين كم عمرك ووين تشتغل ومن وين ؟

    دلوع بوظبي : اقري النك بتعرفين انا من وين وعمري 18 وبعدني ما اشتغل ادرس في التقنية

    شجون القلب : تدرس والله شيء حلو انزين شو تخصصك

    دلوع بوظبي: انا فالفاونديشن

    شجون القلب: يعني مثلي

    دلوع بوظبي: والله

    شجون القلب:هيه

    دلوع بوظبي : انزين انتي ما خبرتني شيء عنج

    شجون القلب : انا من دبي وقدك بعد شو تبى اتعرف ..

    وذيب محتشر من الصوب الثاني : حوووووووووو دلووووووعووووه رد عليه خل البنات بعدين قردنهن ادريبك

    دلوع بوظبي : ههههههههه والله مايخصني بهن هن اللي إين عنديا

    ذيب الامارات: انت دوم جي اونه عاد بريئ ويالس في حاله والبنات هن اللي مطيحات عنده

    دلوع بوظبي: كيفي انت ليش مشطط

    ذيب الامارات : دام انك جي حلو وساحرنهن طرش شوي صوبنا

    دلوع بوظبي : ههههههههههههههه انزين بطرشها

    شجون القلب: شكلك مشغول بخليك عيل

    دلوع بوظبي : لا والله هب مشغول ، بس ها ربيعي كان يباني اشوي

    شجون القلب: ربيعك ولا ربيعتك

    دلوع بوظبي: لا ربيعي .. يقول ليش ماتسولفين معاه محد مسوله سالفه

    شجون القلب: وانا شويخصني .

    دلوع بوظبي : انزين سولفي وياي اشوي وبعدين سولفي وياه

    شجون القلب : انت شو ماتغار

    دلوع بوظبي: اغار........وليش اغار

    شجون القلب: اوهو انت مامنك فايده بظهر احسن لي

    دلوع بوظبي: انزين ليش زعلتي اصبري اشوي بقلج شيء

    وتطلع شجون .. دلوع بوظبي اتحرى ان شجون زعلت.. فتم اشوي معصب من اسلوبه اللي رمسبه البنت .. ورد عليه ذيب الامارات: علوووووووووووه بتخبرك

    دلوع بوظبي وهو مول ماله خاطر يرمس : خير

    ذيب الامارات: شو فيك ؟؟؟...

    دلوع بوظبي: ماشيء

    ذيب الامارات : ليكون سبتك

    دلوع بوظبي: لا يا ذيب .. بس طلعت واحس انها زعلت مني

    ذيب الامارت: وخلها تزعل .. جلعت ابليس خير ياطير شو يعني

    دلوع بوظبي: لاحرام لاتقول جي .. انت ترضى ان حد يزعل منك

    ذيب الامارات: بس اسكت الله يخليك بالطقاق والله كل واحد اقوله شيء يظهر واونه زعلان شو انا مخلف عشانهم

    دلوع بوظبي ساكت ما يرد

    ذيب الامارات : اقولك انا بظهر الحين بسير اتحوط مليت من القعده .. تامرني بشيء قبل مااظهر

    ذلوع بوظبي: سلامتك ما يامر عليك عدو ولا ظالم وهالله هالله بعمرك ..

    ذيب الامارات : ان شاءالله حبيبي يالله فداعت الرحمن ..

    دلوع بوظبي : الله يحفظك ..

    وييلس دلوع بوظبي لحاله يطمش على اللي فالشات ويسلم على هذا ويهديهم اشويت اشعار..

    الظبيانيه : هووووووووود هووووووووود شيختكم وصلت

    .. وعاد هالظبيانيه تموت على سوالف دلوع .. ترى هم دوم يخسسون بعض وكل واحد يقرض الثاني .. دوم جي بس سوالف يعني ..

    دلوع بوظبي : هلا والله هلا ما مداه الا النور شع فالشات

    الظبيانية : هلا والله فدتيه انا حياتي

    دلوع بوظبي : اونه فديته ادرى انه من خاطرج تتفديني بس انا هب معطنج ويه

    الظبيانية : ههههههه انا اتفدى بابا زايد هب انته يالرزه ..

    واحد مخترش : خخخخخخخخخخخخ قفطوه
    دلوع بوظبي : واحد مخترش عادي حبوب متعودين هاي ام السعف والليف ما عندها اسلوب عدل مثل الخلق .. كله اتقفط ..

    بنت الزين : حووو انت اونك دلوع ما ارضى اتقول شيء عن ربيعتيه تفهم

    دلوع بوظبي : طاع هاي انتوا .. وانتي ليش اترزين الويه .. ما تدرين ان رزت الفيس من طبايع الـ .....

    الظبيانية وبنت الزين : دلووووووووووووعوووووووووووووووه

    دلوع بوظبي : خلاص خلاص بسكت ولابرمس انزين بكتب لي كمن بيت شعر احسن من مجابلت هالويوه ..

    الظبيانية : اونه زعل

    بنت الزين : ماعليج منه يدلع اتعرفين حركاته.. المهم انتي اشحالج واشحال الاهل ..

    الظبيانيه : والله كلهم بخير يا حياتي وانتي اشحالج واشحال الدراسة

    بنت الزين : الحمدالله مشين الحا ل.. سرتي محل برمود والله انه عندهم ثياب اتهبل

    دلوع بوظبي يدخل على الخط : عله يودونج مثلث برمودا واتضيعين هناك ونفتك من ام لسانين

    بنت الزين : نعم نعم شو قلت ...

    دلوع بوظبي : ولاشيء سلامتج يالشيخه ارمس عمري

    بنت الزين : هيه اتحريت بعد .. وشيختك غصبن عن خشمك يالخال ...

    دلوع بوظبي : انا خال وانتي اشدراج ..

    بنت الزين : ادرى خبروني يقولون هاك اليوم مواعد وحده وهي حدرت وفظحتك

    دلوع بوظبي : قولي والله تدرين لو صدق شافتني بيكون هذا اخر يوم فحياتي هني عندكم بعدين صدق مالي ويه اجابلكم فيه

    بنت الزين : وليش يعني منو انت ،...توم كروز ونحن ما ندرى

    دلوع بوظبي : لا اخوه واااااااااااااااااااااااااهههههههههههههههههه

    الظبيانية : بس اسكتي عنه ما صدقنا يذلف ..

    دلوع بوظبي : اوكي انا بظهر تامروني بشيء

    بنت الزين : صك الباب وراك ولا ترز بويهك

    الظيبانية : تو الناس دلوعي ، ما سولفنا وياك

    دلوع بوظبي: تراني بصدق ويهي لاتدلعيني ،... مقدر اسولف شيء ذبابه فوق راسي مآذتني .. كل ما اروغها اترد ....

    الظبيانية فهمت منو يقصد : هههههههههه بطني عورني من الضحك ..

    بنت الزين : منو تقصد ..

    دلوع بوظبي : افففففف انتي محد يقدر يقولج شيء .. كل ما واحد سولف تتحرى يطرونه شو يعني محد غيرج بـ هالكون كله ..

    بنت الزين : يالله فارج قلت بتظهر وبعدك قاعد

    دلوع بوظبي : بظهر عيل بتريا منج الاذن .. والله

    ويدخل ابو علياء الغرفه :علياء تعالي ياامج ماتبين تتعشين ..

    علياء: انزين ابويه انت اجدمني وانا الحين يايه

    وتسكر علياء الكمبيوتر وتسير تتعشى مع ابوها واخوها علي، طبعا سالم وعبدالله دومهم خاري


    مرت ايام وشهور وعلياء على هالحال اول ماتوصل البيت ترقد الين اذان العصر وخلاف تنش تصلي وتقعد اشوي وياه اخوانها وخلاف تقعد عالنت الين الساعه 1 او 2 .
    .
    في يوم الخميس تواعدت علياء وربيعتها هند ووحده ثانية اسمها سلمى ربيعة علياء فالكلية وراحوا حديقة المشرف وقعدوا يلعبون بقطار الموت والسيارات واستانسوا وااااايد وراحت سلمى قبلهن البيت لان امها وصتها انها ترجع قبل اذان العشا لكن علياء خبرت ابوها انها بتطلع من الحديقه وبتروح ويا هند بيتهم .. وطبعا ابوها ما يقدر يررفض لها أي طلب ..
    .
    .
    -----

    فبيت هند ..

    علياء: ماقلتيلي اشحال خالد
    هند : ان شاءالله هاي اخر سنة وبيرد وبيخطبني
    علياء: والله بالمبارك اكيد انا اول وحده معزومه
    هند: اكيد وهذا يباله كلام
    علياء: انتوا تحبون بعض؟
    هند : انتي تعرفين كيف اموت فيه وكيف هو يحبني ..
    علياء: ياحيج عندج حد يحبج .. هب انا مالت على ويهي ..
    هند وهي تضحك : عيل وين الظبيانية ترى محد يحبج كثرها ..
    علياء: هههههههههههه والله ضحكتيني ،.. اونها تحبني .. بس متعلقه في دلوع بوظبي ..
    هند : هههههههههههه ها دلوع مشكله معلق بنات الشات .. انتي لو صدق ولد جان شو صار بنات الكليه مطيحتنهن وكل وحده معجبه واللي اونها تحب ..
    علياء: بس اسكتي ما اداني سوالفهن .. ما اعرف كيف افتك منهن ..
    هند : اكيد يوم بيي الريل بيفكج منهن ..
    علياء: جب جب انزين .. خلي الريل حقج انا ما اريد اعرس ..
    هند : علينا اصلن اللي اتقول ما تبى اتعرس اتحصلين هاي اول وحده تعرس .. لا وثاني يوم درزن عيال وراها ..
    علياء: هههههههه يمكن

    وتمر الساعات والضحات تتعالى من حجرة هند ،... ويخطف مايد اخو هند صوب الممر كان ساير غرفته نسى ان هند موصتنه انه ما يدخل البيت اليوم الا عقب الساعه 11 لانها عازمه ربيعتها وربع تحت عند امه فالصاله وسألها منو عند هند فالحجره وقالت له ربيعتها ،.. قال اها اتحرى حد من بنات اختج .. قالت : وليش يعني اتقولها وانت رافع خشمك..قال هن اللي رافعات خشموهن على شو مدرى لا جمال ولا رشاقه يتحرن انهن احسن خلق الله والباقي ولاشيء الله يعين اللي بياخذنهن . فظهر برع وكان يالس في سيارته يتعبث بالشرايط ويغني يودان دان يودان دانه ويوم يوايج برع يشوف سياره واقفه عند باب بيتهم سار عند السياره

    دريول علياء: سلام عليكم
    مايد: وعليكم السلام خير شوفي
    دريول: انا في انتزار ماما علياء
    مايد : ابويه انت مغلط ما عندنا ماما علياء
    وفي هاللحظه هند توايج من دريشتها واتشوف مايد واقف عدال سيارة قوم علياء وتتصل باخوها.
    مايد: الوووه ها هندوه شو تبين
    هند: شوتسوي انت
    مايد : مدرى ارمس هالبتاني اظني مغلط
    هند: لا هب مغلط ها درويل ربيعاتيا خله يدش.
    مايد : انزين ،...خان دش داخل
    .
    .
    وسار مايد صوب سيارته .. مايد هب من النوع اللي يطالع البنات.. يعني عمره مااتخيل انه يرمس وحده.. حتى يوم يظهر ويا ربعه كلهم يرقمون ويغازلون الا هو يوقف بعيد عنهم ..
    راحت هند توايج من الباب وقال حق علياء سيري الدرب امان ،.. هند ماانتبهت ان اخوها يالس فالسياره ترى الحبيب مبند الليتات ومنقص على صوت الاغاني كان يرمس ربيعه برهوم..

    ابراهيم: ها ميود وين بتسهر اليوم عند خيمة قوم بن غنام ولا المقهى ..
    مايد: مدرى والله ،الحين الساعه كم ؟
    ابراهيم: تشير الساعه الان الى العاشره مساء وخمس دقائق
    مايد : ههههههههه خلاص شرايك نسير السينما..
    ابراهيم : انت شو حياتك، كله سينما سينما ..بسك عاد دورلنا مكان ثاني ..
    مايد : خلاص بنسير خيمة بن غنام اكيد الربع كلهم بيتيمعون هناك
    .
    .
    وفجاة تنزل علياء من الدري وبالصدفه اتطيح عين مايد عليها تم يطالع مايدري شو صابه.. يبى يشل عينه بس هب قادر شيء يمنعه .. تم وتم يطالع الين ما ركبت السياره ..
    ابراهيم على الخط: الوووو الووو..... حووووو ميود وينك وصمخ رد عليه ...
    مايد : الو
    ابراهيم: شو تسوي
    مايد : ماشيء
    ابراهيم : بلاه صوتك اتغير
    مايد: مدري
    ابراهيم: ميود انت صاحي ولاميت
    مايد : اثنينتهم
    ابراهيم: خل عنك بس انت يالله تعال مر عليه ارقبك لا تتأخر
    مايد : انزين الحين ياي
    .
    .
    وهو ساير عند ربيعه ابراهيم يفكر بالبنت اللي شافها، ليش هب قادر ينسى صورتها، ليش اصلن بفكر فيها،تم ساكت ما يعرف شو اللي حصله ..
    .
    .
    عند بيت ابراهيم
    مايد: برهوم جد مره حبيت
    ابراهيم وهويضحك: مافي شيء اسمه حب هالايام، ها بس فالمسلسلات والافلام الهنديه
    مايد: صدق ارمسك
    ابراهيم : بالله عليك خبرني انت هالبنات اللي مطيحات عندك على الماسنجر في وحده منهن اتحبك ولا كلهن مصلحه اللي تباك اتسويلها موقع والثانية حبيبي دخيلك وغلاتي عندك سولي بطاقه ولا هذيج المتفيقه علمني كيف اهكر على ربيعاتي ..
    مايد: هيه والله صدقت كلهن معايه ويبون مني شيء اتصدق يوم اعطيهن واسويلهن اللي يبنه ما اشوف رقعت ويوهن ..
    ابراهيم : قال شو اونه قال احب .. خل عنك هالخرابيط
    مايد: خربطيشن في خربطشين
    .
    .
    رد مايد البيت الساعه 12 وبعده يحس بشيء غريب بداخله لكن يحاول يتجاهله لان ماقدر يفهمه
    دخل غرفته يبى يدخل على النت ويحصل الخط مشغول ، سار عند هند دق الباب
    .
    .
    مايد: هندووووه
    هند: ها شو تبى
    مايد :فجي الباب
    هند: الباب مفتوح تعال
    مايد: شو يالسه اتسوين
    هند: يالس ارمس ربيعتيه
    مايد: اعنبوا توها كانت عندج وبهد اترمسينها
    هند وهي مستغربه : وانت اشدراك اني هي نفسها
    مايد: احساس قلبي
    هند: وبويه عليك انت يابو احساس محد يروملك خطير اخويه فديته
    مايد: هب انا اخوج اللي تحبينه وتتفدينه بطلبج منج شيء ،... سيري سويلي شاي حليب
    هند: افففف هذيلا هم محد يعطيهم ويه ،.. اصبر بقولها حق ربيعتيا برب ..
    مايد : احسن قوليلها تصبحين على خير
    هند: لا اخويه حبيبي انت عطني بعد عشر دقايق وببند عنها
    مايد : انزين بس عشر دقايق .. يالله وين الشاي حليب
    .
    .
    وسارت هند تركض على المطبخ .. وسار مايد صوب الكمبيوتر يلس اشوي يقرا الكلام اللي كاتبتنه اخته لربيعتها وضحك على سوالفهن وشل الايميل وسارغرفته..وقعد يشرب الشاي حليب و يسوي توقيع حق وحده من اللي عنده على الماسنجر كان قاعد ملان ما يعرف شويسوي ومحد عنده اون لاين .. خطر في باله انه يضيف "*ماتنسى"* هذا ايميل علياء.. وطلع عند علياء مسج ان في حد بيضيفها فسوت اوكي
    .
    .
    السولعيه : يالصدفه ما احلاها .. ماكنت ادري انج موجوده هالوقت ..
    دلوع بوظبي: اختي طاعي النك عدل انا واحد هب وحده ..
    السولعيه : اوه سوري بالغلط اخويه اسمحلي ما انتبهت ..
    دلوع بوظبي : لاعادي اختيه ما حصل الا الخير .. بس من وين يبتي ايملي..
    السولعيه : مدرى حصلته من الفورورد
    مايد : اوهو شالسالفه معقوله اني كتبت الايميل غلط ..بس انا متاكد انه هالايميل .. ياريال طبها واذكر الله ..
    السولعيه : اسمحلي اخويه انا بترخص عنك الحين بسير ارقد
    دلوع بوظبي : تصبحين على خير
    السولعيه: ماتبى شيء
    دلوع بوظبي : سلامتج
    السولعيه : انزين لو تبى رقميا ترى عادي لاتستحي قول
    دلوع بوظبي : ههههههههههههههههههه لا اختيه انا هب مال هالسوالف .. سيري الحقي عن يطوفج الرقاد
    السولعيه : سوالفك ماتنمل بس الرقاد احلى يالله باي
    دلوع بوظبي : مع السلامة
    .
    واليوم الثاني عقب الغدى في بيت هند .. الكل قاعد يشوف تلفزون ومايد كان يتعدل عند المرايه ويغني : ماتنسى ماتنسى مهما علي قلبك قسى عندي امل في شوفتك علو وعسى علو وعسى اااااااه علو وعسى علو وعسى ..



    قالت هند : تراكم لوعتوا بجبدي بـ هالاغنيه
    مايد: لاتقولين لهاالدرجه صوتي يلوع بالجبد ، عيل برهوم قاص عليه ويقول اطربنا بصوتك الشادي صوت الراعبي الموسيقي ..
    هند: لا صوتك حلو بس هالاغنيه دوم علايه اتسمعني اياها حتى ايميلها كاتبتنه باسم هالاغنية متخبله على سعيد السالم مدرى ليش ..
    .
    .
    مايد سيده اتذكر سالفة الايميل واتأكد انها هي البنت هب واحد غيرها .. نفس اليوم بس فالليل دش مايد على الماسنجر وما حصل اللي يباها داخل .. تم متضايق ..وقعد يسولف ويا ربعه الموجودين وفجاه "* لقد تم تسجيل دخول دلوع بوظبي "* وفز قلب مايد من مكانه وتمت ايديه ترتجف يبى يكتب هب قادر ... تم قلبه يدق بسرعه مب عارف شو فيه
    .
    .
    دلوع بوظبي : السلام عليج يالسولعيه .. ها رقدتي عدل البارحه ..
    السولعيه : هلا هلا والله وينك انت انا من الصبح ارقبك
    دلوع بوظبي وهو مستغرب: ليش اختيه في شيء؟
    السولعيه : لا الغالي بس حبيت اطمن عليك بخاطريه اسولف وياك ..
    دلوع بوظبي: ههههههههه لهاي الدرجه ... ليكون حلمتي فيني
    السولعيه : هيه حلمت فيك انت فارس احلامي اتصدق انا احبك
    دلوع بوظبي: اختيه انتي فيج شيء توني ثاني يوم ارمسج مايمديج تحبيني
    السولعيه : انت ليش ناوي تعذبني
    دلوع بوظبي : والله هب ناوي اعذبج .. وماعاش اللي يعذبج .. بالعكس انا تهمني راحتج
    السولعيه : والله
    دلوع بوظبي: هيه والله وليش تبيني اجذب عليج ..
    مايد وهو خلاص ذايب ،.. حس ان هالانسانه غير عن كل اللي يعرفهم على الارض ، كل يوم تجذبه اكثر باسلوبها وفنها .. ومرت اسابيع وهم على هالحال ..ويوم من الايام
    السولعيه : دلوعي...بقولك شيء بس دخيلك ما اريدك تزعل مني
    دلوع بوظبي : قولي الغاليه ولا بزعل منج ..
    السولعيه: بصراحه بقولك كل شيء بس ما اريدك تعصب ولا تقاطعني.. انا بصراحه واحد هب وحده وادرى انك بتسويلي بلوك ودليت لكن صدقني الشيء اللي استوى هب بيدي كله غصبن عني
    دلوع بوظبي وكل علامات التعجب في ويهه : مدري ليش حسيت انك واحد
    السولعيه : بس تدرى انا اشم فيك ريحة عطر نسائي مدرى ليش ..
    دلوع بوظبي: ههههههههههههههه لا تخافين هب مواعد ولا قاعد عند ربيعتيا
    السولعيه : انزين مافي شيء بخاطرك تبى اتقوله ...أي شيء
    دلوع بوظبي : هيه في بس ما تزعل مني ولاتغيض.. انا تراني بنت هب ولد ..
    مايد اونه مستغرب : بنت!!!!!!!!
    دلوع بوظبي : ها دليت وبلوك صح
    مايد : لاطبعا مستحيل .. ان مسحتج بكون كتبت الموت لحياتي ... عليا ء انا ......
    علياء وهي مستغربه : كيف عرفت اسميا ؟؟؟
    مايد : علياء انا مدرى شو استوابي يوم شفتج والله انج ساحره سحرتيني ماقدرت اشلج من افكاري ليل نهار قلبي ينبض باسمج .. ليش انا وليش انتي بالذات من بد هالخلق كلهم
    انا يوم حبيت .. ماغصبت قلبي يختار الانسانه اللي هو يباها .. انتي دخلتي بروحج كان الباب مفتوح لج .. ماقدرت اصد عنج او اتناساج ساعه .. انتي ملكتي قلبي وحياتي وكل مافيه علياء انا احبج .. وخبرها كل السالفه وكيف عرفها وشافها ..
    علياء: تمت ساكته ما اتعرف شو اترد عليه...
    مايد: ادرى انتي منصدمه الحين انا اعذرج خذي راحتج .. ومصيري بيدج يااما انج ترحميني او انج تكتبين همومي وترسمين عذابي .. بس صدقيني انا بكون راضي حتى لو جتلتيني .. لانج حياتي ..
    علياء: باي
    مايد: ياصاحبي لاتبتعد من دون زله او سبب***خلك على طول المدى نبقى حبايب للأبد

    وتظهر علياء من الماسنجر ولا ردت على مايد باي حرف ...


    وعقب يومين من السالفه علياء متغيره ،.. .هي صح اترمس شباب على الشات بس محد قدر ياخذ عقلها منهم او انه حتى اتفكر في ثواني .. كانت كله اتسولف معاهم واتخسس حتى انها كانت تحدر بنك ولد بس عمرها مارمست واحد بشكل جدي مثل مارمسها مايد .. تمت مستغربه .. معقوله بيكون هذا هو الانسان اللي تحلم به .. هذا هو فارس الاحلام اللي بييها على خيل ابيض وبيخطفها.. طول الوقت اتفكر في مايد.. هل هذا الانسان اللي بيعوضها عن الحنان والحب اللي فقدته .. ومن عقب السالفه علياء ما دشت النت .. ومايد على اعصابه حس انه تسرع يوم خبرها بكل شيء .. .. ترى علياء ماشافت مايد .. بس كانت تسمع اشويت سوالف عنه من اخته هند ..
    وخلصت اجازة الربيع وهند بترد الجامعه .. وودعت هند علياء وراحت ...
    ودخلت علياء على الماسنجر .. واتحصل مايد .. مايد سيده من شافها حدرت اتخبل ما اعرف شو يكتب
    .
    .
    مايد: علياء انتي زعلانه مني
    علياء: العرب يسلمون قبل
    مايد : السلام عليج اشحالج
    علياء: بخير،اخبارك
    مايد : انا بخير دامج بخير.. انتي زعلانه مني
    علياء: لا انا قلت لك اني ما ازعل..
    .
    .
    مايد تم ساكت .. علياء كانت تكابر وتحاول تخفي مشاعرها عن مايد شو السبب هي بروحها ما تدرى..ومايد حس انه هب مرغوب به .. وان علياء بتصده ..طرش لها قصيدة الشاعر بن نايم الكعبي "*الله عليك الله يزيدك ويعطيك، من هالحلى قلبي وقف سميت باسم الله عليك..ذبحتني بسهم العيون..جرحتني بطرف الجفون..والمشكله صعب علي اعرفك انت من تكون..عطني امل..عطني رضاك..عطني السعاده من هواك..جرب هواي..عيشني بحبك معاك..حبيت طيبك واهتويت .. ومن نظرة اعيونك قريت..توك جديد على الهوى..ماظن في يوم هويت..ممكن..ممكن تجاويني السؤال هل في حياتك لي مجال..قول بقناعه لاتخاف..ريحني ياولد الحلال..وتم يكتب لها اخر مقطع اكثر من مره ..
    مايد: ليش ماتبين تريحني .. لا تصدين عني .. لاتعذبين قلبج هواج ..قولي انج ماتبيني ..
    علياء: بصراحه بقولك بس لاتزعل من كلامي ..
    مايد: مابزعل منج بس قولي أي شيء لا تمين معلقتني بين السما والارض ..
    علياء كتبت بالخط العريض : أحبـــــــــــــــــــــــــــــــــــــــــــــــ
    ـــــك.. وظهرت من الماسنجر..
    تم قلبها يدق بسرعه يوم كتبتها

    درون مايد شو استوابه ... طاح من الكرسي وتم منسدح على الارض .. حس ان الدنيا تدور هب قادر يوقف على ريوله,,, وقال فديتها : يسألوني ليه احبك حب ما حبه بشر وليه انت بحياتي شمسها وانت القمر ...... تم مايد على الماسنجر ما طاع يفج عنه .. وعلياء مستحيه ما اتعرف كيف بتجابل مايد عقب هاليوم .. ومرت الايام والشهور وحب علياء يكبر لمايد .. صاروا دوم ويا بعض مستحيل يفترقون ليوم .. واذا مر يوم واحد ومايد ما رمس علياء يموت لا يعرف يرقد ليله ولا يسير دوامه .. لازم يصبح على صوتها ويمسى على همساتها وهي اتقوله تصبح على خير غناتي... بيت علياء قريب البحر .. وشيء كراسي هناك علىالشارع .. فمرات يسير مايد هناك وييلس على الكرسي .. ويناظر حبيبته القمر من بعيد ويرمسها فالتلفون ويتم الين الصبح
    .
    .
    ..ويوم من الايام...

    مايد : حبيبتي تدرين شو اتجيسني غصه يوم حد يشوفج من هالشباب ..
    علياء: يعني شو تباني اسوي اقعد فالبيت مااظهر
    مايد : لاحبيبتي مقدر اجبرج تقعدين بس انا اغار عليج حتى من نسمة الهواه
    علياء: ميودي لـهالدرجه تحبني ..
    مايد: ياويل حالي ما يذبحني غير دلعها .. افديتج وفديت قلبج ..
    علياء: بس ميودي استحي..
    مايد : دخيلج بس يكفي ذبحتيني مدرى وين اودي عمري ياناس ياعالم هالبنت يننتني خبلتني خلاص ماتم فيني عقل .. علايه بخطبج ..
    علياء: متى ؟...
    مايد: ان شاءالله اول ما اتخرج من الكلية .. بييج باخذج من ابوج .. انتي حقي انا وبس ..
    علياء: فديتك هاي رمست اليهال .. يوم يبون شيء يكون حقهم ..
    مايد: ههههههههههههه انا عندج نونو وانتي امايه .. صدقيني ياحياتي بس خليني اتخرج من بتحصليني واقف عند باب بيتكم ..
    .
    .
    وعقب ربع ساعه يصيح تلفون مايد....
    ابراهيم : الو
    مايد: يا حيبه اشحالك بوخليل
    ابراهيم: انا اللي اشحالي ..انت وين يالقاطع حتى ربعك ماتسال عنهم ..اعنبوا هب مذهب عندك حتى ماتسلم ..
    مايد: والله اسمحلي فديت خشمك انا كنت مشغول ..
    ابراهيم : لا والله انزين وشو من الشغل عندك ..
    مايد: ناس خطفوني منك ..
    ابراهيم : الريال يسويها بس وانا اراويه شغله
    مايد : شو ريال .. هاي بنيه ..
    ابراهيم : هههههههههههههههههه طلعت بنيه اسمحلي ما شفت ترى الشنبات واصله الين الكرشه
    مايد: بوخليل حشّم ..
    ابراهيم :ول خيبه ماقلت شيء الحين يباكلني .. المهم تعال ابا اشوفك اقعد وياك اندق سوالف .. ولا خلاص بعتنا برخيص..
    مايد: لاافا عليك .. انتوا الخير والبركه .. خلاص حبيبي تعال الساعه 9 عن مقهى ليالي زمان برقبك هناك..
    ابراهيم : خلاص تم .. وعلى حسابي بعد .. يالله فداعت الرحمن
    .
    .
    وعند المقهي .. اللي على كورنيش بوظبي .. مايد هيمان يطالع البحر .. والسما.. والقمر اللي يذكره بحبه ..
    ابراهيم : حوووووو انا ارمسك من الصبح ليش ما ترد عليه..
    مايد: اوه ماسمعتك شو كنت اتقول ..
    ابراهيم : متى بتسافرون ..
    مايد: عقب اسبوعين .. بخبرك شيء
    ابراهيم : قول
    مايد : يوم بسافر بوصيك بناس .. أي شيء يبونه مول لاتبخل عليهم حتى لو على قص رقبتك تفهم ..
    ابراهيم: افا عليك لاتوصي خويك .. مره، روحنا فداهم وترى معزتهم من معزتك
    .
    .
    .. وليلة السفر ..
    علياء: حبيبي فديتك دير بالك على عمرك ..
    مايد: لاتحاتين غناتي .. حبيبج سبع ماينخاف عليه
    علياء: انزين كيف برمسك وانت هناك ..
    مايد : لاماعليج انا بحاول ادقلج من فتره الى فتره .. بس غناتي لا تخافين عليه لو مااتصلت اسبوع ..
    علياء: اسبوع وايد ..
    مايد : شو اسوي والله غصبن عليه .. تعرفين انا ما اريد حد يحس اني ارمس وحده .. وكل يوم سيره عند التلفونات فضيحه .. الشباب بيشكون .. والدوره اربع شهور
    علياء: الزم ماعليه راحتك .. ولاتثجل على عمرك ..
    مايد: علايه حبيبتي شو تبين اييبلج من هناك .. شيء بخاطرج
    علياء: هيه ابا حبيبي ما يسافر هناك
    مايد: ردينا عل نفس السالفه . . انا قلتلج ياحياتي .. هذا كله عشان مستقبلنا ..
    علياء وماسكه عبرتها : خلاص حبيبي..تروح وترد بالسلامه ..

    مر اول شهر من سفر مايد .. كانت توها بداية اجازة الصيف في شهر ستة .. الساعه 12 فالليل علياء اتطرش مسجات حق حبيبها .. "*وينك حبيبي ماوحشناك..طولت ماشافتك عيني..طولت يالغالي بفرقاك..واتعبتني وانت ظيني"*..بعدها بشوي وصلها مسج:"*والله لحظه مانسيناك،والله عقبك ضايقيني،تحلى لي الدنيا بلقياك،لي صار كفك في ي ديني"*.. وارتسمت البسمه في شفاة علياء
    وفجاة رن تلفونها : الووووووووو
    مايد: فديت هالصوت انا يعلني ما اخلا منه..
    علياء: غناتي وينك اتولهت عليك ليش جي اتسويبي
    مايد: علايه انتي تدرين بضروفي .. يالله يالله اروم امسك التلفون .. وانا بعد اشتقتلج وايد والله عيني تذرف الدمعه كل ليله ، مااتعودت اني اكون بعيد عنج ..حبيبتي بعدج تحبني ولا نسيتي ميودج..
    علياء والدمعه تنزل : تشهد عليه عهد الموده يمينك،يوم تصافحنا على العهد وياك،حلفت لك بربي وحبك وبدينك، وحلفت لك والله والله منســـــــــــــــاك ..
    مايد: حبيبتي ليش اتصيحين ..
    علياء: دمعتي انت سببها وفرحتي انت سببها قولي شو اسويبك ..
    مايد: حطني في اعيونك وغمض خلني اعيش في عيونك ..
    علياء: حبيبي ميودي غنلي اغنيه ..
    مايد: تامرين امر كم علايه انا عندي .. كان بخاطره اغنية ميحد ليش مايدري..
    "* لاتذكرني بحبك ياغناتي..لاتذكرني بماضيك الجميل في صدى ذكراك بقزر حياتي ..مستحيل احب غيرك مستحيل.. انت عمري وانت اغلى ذكرياتي.. وانت في قلبي ولاغيرك خليل..انت عيني لي بها شفته البهاتي .. وانت لي في مقلة اعيوني نزيل"*..
    علياء:
    مايد:
    علياء:
    مايد : خلاص ياحياتي بخليج الحين اشوف الربع يايين ..
    علياء: انزين متى بدقلي مره ثانيه..
    مايد: مدرى غناتي بس اول ماحصل فرصه بحشرج..يالله مع السلامة
    علياء:الله يحفظك حبيبي ..
    ومر ثاني شهر واتصالات مايد كل يوم عن يوم تقل.. وحست علياء بالضيق طبعا وقت صيف وملل
    وهم ماسافروا هالسنه بسبب ضروف شغل اخوها عبدالله .. ماحصلت الا الكمبيوتر جدامها.. هو الشيء الوحيد اللي يونسها.. فدخلت على الشات، علياء من عرفت مايد نست شيء اسمه شات وماسنجر.. لان مايد سرق قلبها.. بقربه كانت ماتفكر بالاشياء..لكن يوم بعد عنها.. ردت وحدرت على الشات .. عشان تتسلى .. كان العصر يوم الاربعاء..
    دلوع بوظبي: السلام على مخاوين شما ..
    كونان: وعليك السلام هلا دلوع..
    كتكوت دبي: وعليكم السلام
    كونان: وينك يالقاطع محد يشوفك ..وين اختفيت
    دلوع بوظبي : سافرت ..
    كونان : قول والله وين رحت
    دلوع بوظبي: سافرت ويا العشاق..الين ماطحت بواهم صاحبي بو عيون سولعيه..
    كونان: عاش بو الشباب .. والله وقمت تحب يا الدلوع ..
    دلوع بوظبي: هاي حال الدنيا ..بس بتخبرك وايد نكات يديده اول مره اشوفها..
    كونان: هي راح زمان ربعنا الاوليين .. ويو غيرهم ..
    دلوع بوظبي: عيل ذيبوه وين .. ابى اسلم عليه..
    كونان: بدقله بشوفه اذا فاضي ... دلوع ؟..
    دلوع بوظبي: لبيه
    كونان: ذيب راقد مايرد عالتلفون .. يمكن يدش عقب ..
    دلوع بوظبي : اوكي خلاص انا ماعندي شغله بقعد على النت الين ماا نطر ..
    كتكوت دبي: دلوع يالبطالي حق المغازل والتقردين ..
    دلوع بوظبي : ههههههههههههههه انت على الخط ..
    كتكوت دبي : خخخخخخخخخ هيه مشغليني مراقب ..
    .
    .
    ويسكتون فجاه ،.. محد يسولف على العام .. الكل على الخاص تقريبا .. دلوع نزل الصفحه ودخل على موقع ميكس ميوزك يسمع اغاني...
    .
    .
    راعي الهوى : السلام عليكم
    .
    محد يرد
    .
    .
    راعي الهوي: قلنا السلام اعنبوا حادر على يهود
    .
    .
    دلوع بوظبي سمع صوت انه حد دخل على الشات ترى يوم حد يحدر الشات يسوي صوت ترن ترن
    .
    .
    رد كبر الصفحه ..
    دلوع بوظبي: وعليك السلام ورحمة الله وبركاته .. اسمحلي اخويه كنت مشغول اشوي ..
    راعي الهوي: مسموح بالحل يا دلوع .. واعلومك علك الا بخير ونعمه
    دلوع بوظبي: الحمدالله بخير واشحالك انت ..
    راعي الهوى : وين الباقين ليش محد يرمس بلاهم صاخين..
    دلوع بوظبي: مدريبهم والله ..
    راعي الهوى : والله انت اللي فيهم بس ..
    .
    .
    .
    وصغرت الصفحه مره ثانية ودخلت موقع الشامسي اتدور بطايق بتطرشهن حق ربيعاتها ..
    .
    .
    راعي الهوى: افففففف ملللللل .. انا اول مره احدر الشات .. والله صدقه الادهم يوم قالي اشلك بالشات وصدعة النت .. يا ناس حد يرمس دخيلكم لاتتحسسوني اني غريب من بينكم ..
    .
    .
    المهم ردوا عليه كمن واحد وقعدوا يسولفون ويزقرون دلوع بوظبي بس الحبيبه يالسه تتحوط في المواقع ولا تدريبهم .. وبعدين ظهرت علياء من الشات وردت على عالساعه 11 كان الشات زحمة وكل واحد يرمس من صوب .. دشت سلمت عليهم وسكتت .. ما انتبهت للنكات .. ردت صغرت الصفحه ودخلت صفحه الميوزك مال موقع نور الامارات وتسمع ميحد اشوي .. اشتغلت الاغنيه وردت على الشات ..تمت تكتب اشعار ..
    راعي الهوى: دلوع اشحالك
    دلوع بوظبي: هلا هلا والله .. الحمدالله حالي مثل ماهو ماتغير
    راعي الهوى: تدرى يالغالي انك دخلت قلبي مدرى ليش، كل اللي فالشات مايسوولي سالفه بس انت اللي فيهم فديتك ..
    دلوع بوظبي تم يضحك : يمكن مشغولين ،
    راعي الهوى: انت منو ربعك اللي فالشات
    دلوع بوظبي: ماعندي ربع .. بس دوم اسولف ويا ذيب الامارات وكونان ووحده نكها الظبيانية
    راعي الهوى: بس هاي حشره كيف تروم اترمسها ..ياخي طفرتبي اليوم بس سوالفها ماتنمل
    دلوع بوظبي: هيه ادريبها ترى انا كنت جي اول شيء وياها خلاف اتعودت وهي بعد اتوعدت الحين لازم يوم نتشاوف اول شيء كل واحد يقرض الثاني بس ترى كله سوالف .. ولا انا اعزها شرات اختيه ..
    راعي الهوى: انت حبوب وطيب .. ما خبرتني شو اسمك
    دلوع بوظبي: على
    راعي الهوى: حيالله علي ومن بوظبي صح
    دلوع بوظبي : هيه وانت
    راعي الهوي: معاك سيف من الغريبه من صوب ليوا ..
    دلوع بوظبي: والنعم فيك ..
    راعي الهوى: انزين انت من أي بقعه .. انا عيال عمي ساكنين في البطين
    دلوع بوظبي: انا ساكن فالخالديه ..
    راعي الهوي: والله .. خلاص عيل الحين بييك
    دلوع بوظبي: وين تييني
    راعي الهوى: بييك بخطف عليك انا بخاطريه اتعرف عليك ..
    دلوع بوظبي: انزين انت وين الحين
    راعي الهوى: في بيت قوم عميا ،.. ببات عندهم كم من يوم وخلاف برد ليوا
    دلوع بوظبي: عندك سياره
    راعي الهوى: لا بس بخلي ولد عميا يوصلني .. وانت عندك سياره
    دلوع بوظبي : هيه بس شلها اخويه العود ومدري متى بيرد من سويحان
    راعي الهوى: خلاص ماعليه انا بشل سيارة ولد عميا وبخطف عليك ..
    دلوع بوظبي يقول يا ويلي شو اسوي الحين اتوهقت ويا الريال: لا ما يحتاي
    راعي الهوى: ياريال خل عنك بلاك متروع.. انزين اقولك ادخل عندي على الخاص وعطني رقم تلفونك...
    دلوع بوظبي: اقولك يالغالي بخليك الحين عندنا عزيمه والوالد يزقرني ان شاءالله بدش خلاف وبخبرك ..
    راعي الهوى : بتخبرك أي عزيمه هاي اللي عندكم بانصاف الليالي..
    ما رد دلوع بوظبي لانه فصل النت وسكر الكمبيوتر ..
    .
    .
    وحس راعي الهوى انه دلوع فيه شيء .. عيل ليش يتهرب منه وكل مايقوله شيء يطلع له مية عذر.. وبعدين قال: ياخي خله يمكن الريال مشغول ولا عنده شيء ..طبها واذكر الله..


    مر هاليوم على خير .. وعلياء تفكر .. شو بتكون النهايه .. هي محتاجه لمايدان يكون معاها..تحس بشيء مفتقدنه.. بركان داخلها وده ينفجر .. كم قعدت تدعي ربها انه يريح بالها .. لكن من تمسك صورته..لازم الدموع تسيل..الشوق ذبحها..ودها تسمع صوته..تيلس معاه..مثل قبل..ايدها بايده..تحس بالامان والراحه..لكن وين مايد عنها ..الله اعلم وش هي ضروفه..تمت ساعه قاعده في حجرتها ما اتحركت من مكانها وصورة حبيبها فايدها مشغله المسجل وتسمع قصيدة بن نايم الكعبي: "*اجيك اجيك واتوله عليك..دخيل الله يكفيني جفاك..اجيك بشوق من قلبي اجيك..اموت افداك واتوسل رضاك...احبك موت يالغالي وابيك..ترد الروح بلمسة يديك..انا اهواك ياعمري واباك..ترد الروح بلمسة يديك..واحب اعيش فالدنيا معاك..احب اسمك وسط قلبي شريك..واحب ازقرك يا اغلى ملاك..اشوف الموت من دونك دريك..حبيبي بس يكفيني هلاك"*...اتذكرت ايام قبل يوم كان مايد يهديها اشعار بن نايم الكعبي اللي كان دوم يسمعها..وفالليل ردت وحدرت على الشات .. تدرون منو كان موجود
    .
    .
    ها منو تتوقعون
    .
    .
    هيه توقعكم كان صح..كان راعي الهوى موجود
    ما سلمت تمت ساكته..راعي الهوى ما انتبه ان دلوع حدر الشات..لانه كان مشغول دق سوالف ويا الشباب..
    حكومة بوظبي: دلوووعوووه اشحالك يالدب..
    دلوع بوظبي: السلام عليكم .. تمامكووووو حكومي ..
    حكومة بوظبي :دلوع ها واحد من اصبح وهو يتنشد عنك .. راعي الهوى هذوو ربيعك اللي حشرتنا به
    دلوع بوظبي: هلا راعي الهوى..
    راعي الهوى: هلا والله دلوع بوظبي .. وينك ياريال من هذاك اليوم محد شافك
    دلوع بوظبي: اسمحلي كانت عندي شوية ضروف ..
    راعي الهوى: ان شاءالله خير بس خبرني وانا اخوك يمكن اقدر اساعدك..انا حاضر رقبتي سداده..
    دلوع بوظبي: تسلم يالشيخ والله انك ماتقصر .. بس الحمدالله كل شيء تيسر ..
    راعي الهوى: الحمدالله .. بس تدرى والله اني ماخذ بخاطريه منك
    دلوع بوظبي: افا ليش
    راعي الهوى: اريد اعرف انا سويت لك شيء .. ماكل حلال ابوك خبرني غلطت عليك
    دلوع بوظبي: محشوم اخويه
    راعي الهوى: عيل ليش دوم اتصد عني وتتهرب مني . احسبك متروع من شيء
    دلوع بوظبي : لا والله ما فنيني شيء ..
    راعي الهوى : والله على راحتك شكلك ما تبى ترمسني واحس بك الا جي تسولف وياي عشان ترضيني ..على قولتهم تجامل وتجبر الخاطر
    .
    .
    دلوع بوظبي حط بخاطره مابغى ان راعي الهوى يزعل منه..وليش يعني راعي الهوى وايد مهتم فيه؟؟اكيد الريا ل طيب هب شرات الباقين اللي يعق رمسه ولا يتخبر عنها
    .
    .
    دلوع بوظبي : راعي الهوىوالله يبين عليك ريال ولد اصل ومعدنك طيب ..
    راعي الهوى: من طيب اصلك يالغالي .. انت اللي مبين انك من مخاوين شمه .. والله انك دخلت الخاطر دون ما ادق بابه .. وصدق والله بعتبرها خساره لو ما خاويتك ..
    دلوع بوظبي : بس ...
    راعي الهوى: ردينا .. قول من البدايه جي انك ماتباني،..ولاتيلس تخرط عليه برمستك .. اسمحلي انت اللي خليتني اقول جي..لااتغيضبي ..
    دلوع بوظبي : والله هب جي القصد ..
    راعي الهوى: عيل شو تبى اتقول .. شو معناة رمستك
    ويدخل دلوع بوظبي على راعي الهوى على الخاص....
    دلوع بوظبي: اخويه بخبرك شيء واباه يتم سر من بينا ولا اريد حد يعرفه مول حلفتك بربك
    راعي الهوى اتروع قال اكيد الريال شيء فيه،... : آمر يالغالي قول اشعندك ريحني ..
    دلوع بوظبي : ابصراحه .... انا ......انا وحده هب واحد
    .
    .
    راعي الهوى تم صاخ مثل الصدمه حلت عليه هو حس ان دلوع شيء فيه بس ما اتوقع انه بنيه
    .
    .
    دلوع بوظبي: اسمحلي اخويه لكن هاي هي الحقيقه ..
    راعي الهوى: انت اكيد تتمصخر
    دلوع بوظبي: والله اني وحده وانا حلّفتك انك ما تخبر حد وكيفك اذا ما تبى اتصدق يكون احسن بعد
    .
    .
    راعي الهوي بعده منصدم ما يعرف شو يقول يصدق اللي عرفه ولا لاء.. وبعدين شو مصلحة دلوع انه يجذب عليه..
    بعدها بشوي طلع راعي الهوى من الشات..ودلوع وبوظبي رد على العام يسولف ويا الباقين،وشويه ولا يرد يدخل راعي الهوى،..تم ساكت مايرمس حد،...دخل على دلوع بوظبي على الخاص
    .
    .
    راعي الهوى: دلوع ممكن شوي ابا اقولك شيء
    دلوع بوظبي: اتفضل اخويه قول
    راعي الهوى: مره ثانيه يوم تبى اتسوي شيء فكر قبل ماتسويه ان هالناس عندها مشاعر لاتعلب على هذا وذاك..
    .
    .
    وظهر راعي الهوى عقب ماعق هالرمسه على دلوع...علياء تكدر خاطرها من اللي سوته.. تمت تفكر وتسال عمرها لكن ماحصلت الجواب،..ياترى علياء اتسرعت او غلطت يوم انها اعترفت؟...ومر يوم ويومين وهي على هالحال بس تتريا راعي الهوي يحدر الشات عشان تتعذر منه..لكن على قولتهم لي فات الفوت ماينفع الصوت.. وفي يوم من الايام حدر راعي الهوى ويسلم ومثل كل مره محد رد السلام غير دلوع بوظبي..تموا اثنينتهم صاخين لا ها يرمس ولا هذيج تسولف..وعقب راعي الهوى تم يسولف ومااعتبر دلوع واحد من الموجودين..علياء حست ان راعي الهوى صدق ماخذ بخاطره ومضيق منها..فظهرت بدون ماتقول شيء .. لكن قلبها ماطاوعها..وردت مره ثانيه ودخلت على راعي الهوى على الخاص..وتمت تتعذر منه علو وعسى يسامحها
    .
    .
    سألها ليش مهتمه فيني..انت لعابه،..اكيد شيء غيري وايد..مثل بديتي كملي باقي اللعبه..كانت علياء متضايقه من رمست راعي الهوي..وتمت ساكته ..قال يعني انتي تعترفين انج غلطانه .. قالت له هي..قال سؤال بس : شو استفدتي يوم سويتي جي؟..ماعرفت شو اتقول..ولا بشو ترد عليه
    .
    .
    وشوي شوي تم راعي الهوى يسولف..يعني مثل ماتقولون قلبه حن عليها..لان هو بطبعه وطبيبته اللي مالها حدود..شخص على نياته .. ماقدر انه يزعل منها..بعد مادشت خاطره..ومرت الايام وقعدات سيف"*راعي الهوى"* وعلياء تزيد يوم عن يوم.. وفي يوم من الايام طلب سيف انه يسمع صوت علياء..علياء رفضت وقالت بتزعل منه لو عاد وطلب هالشيء مره ..تم يحايل معاها وكل يوم يحن عليها..قال الا هي مره وحده ومابعاودها مره ثانيه ..وبعد الحاح منه..انخضعت علياء لرغبته..وبالفعل اتصل ورمسها..
    .
    .
    سيف: تدرين ااني اول مره ارمس وحده..
    علياء: كلكم تقولون جي..
    سيف: لا والله انا مااجذبج عليج ..
    علياء: يمكن..انا ما يهمني انت ترمس غيري ولا لاء هذا شيء راجعلك؟؟...
    سيف:مايهمج!!!!...عيل ليش مسوتلي سالفه .. انتي تعرفين حد غيري
    علياء:............. هيه
    سيف: اتحبينه..
    علياء: هيه...
    سيف: يالله مع السلامة واسمحيلي......وبند الخط بويه علياء
    .
    .
    وعقب ربع ساعه ..رن تلفون علياء..
    علياء: الوووو
    سيف وصوته متغير..ماقدر يتحمل وتم يصيح: انتي ليش جي..شو ماتحسين..الله يعذبج مثل ما عذبتيني..
    علياء وهي مستغربه: شوفيك..وانا بشو عذبتك..
    سيف: ترتاحين يوم اتشوفين واحد يراكض وراج مثل الاهبل..وانتي قاصه عليه..ليش اتحبين تلعبين على خلق الله..انتي ماعندج قلب ماتحسين..عسى الله ياخذج وافتك منج..هو يقول هالكلام والدموع تنزل من عينه..من شدت الغيض اللي فيه..
    علياء: انت ليش اتقولي جي.انا ماجبرتك تكلمني..ولا ضربتك على ايديك وقلت لازم تتعرف عليه..وشو قاصه عليك .. ليش انا قلت اني احبك وهديتك ..
    سيف: لا ما قلتي بس حسيت
    علياء: سيف اسمحلي لو ضايقك كلامي .. بس انا اعتبرك مثل اخويه..ودخيلك انسى رقميا وانساني..
    سيف: بـ هالسهوله تقولينها..
    علياء: لوسمحت خلاص مابينا كلام
    .
    .
    وبند سيف التلفون..كان بوده يموت هذيج اللحظه,..سيف حبه حب عذري شفاف..انجذب للانسانه اللي حنت عليه..حس بشيء عمره ماحسبه..واتعلق بها بدون مايحس..حبها وهالشيء هب بيده..حاول ينساها لكن كل ماينسى يرد قلبه ويذكره..كان يموت في اليوم اكثر من مره..تم اسبوع على هالحاله...وتم فالمستشفى يومين..اتغيرت حياته..وين ايام السوالف والضحك..لبس الهم والحزن..ويهه شاحب متغير لونه بعد ماكان ذاك المبتسم المزوحي..انشل فكره.. كله حياته علياء..حتى وهو بـ هالحال..كان يفكر بها..ياترى هل هي بخير..تاكل وترقد..ولا تعبانه..ولا لحظه تفارق خياله..خلاص حُبها بقلبه تمكن منه..سرى كالسم في مجرى الدم فالشرايين..
    .
    .
    الساعه 5 الفجر يرن تلفون علياء..
    بالصدفه كانت علياء واعيه..شافت رقم سيف بس ما طاعت ترد..وطرش لها مسج ..كتب :"*دخيل الله ثم دخيلج ردي علي..ودي بس اسمع صوتج ارحميني،لومارمستج بموت"*..وردت عليه

    علياء يوم سمعت صوت سيف ماعرفت شو اتسوي..كله بسببها..سألته عن حاله وعن اخباره..
    لكن هو كان همه يعرف منو اللي خطف حبيبته قبله
    .
    .
    سيف: خبريني منو هذا للي تحبينه..
    علياء: اسمه مايد والحين هو مسافر عنده دوره وبيرد عقب شهرين...
    سيف: هيه من زمان انتوا ويا بعض..
    علياء: تقريبا سنة...
    سيف: وليش ماخطبج..
    علياء: ان شاءالله اول مايخلص دورته ..يعني عقب سنه ...
    سيف حس ان الدنيا سودا بعيونه..بلحظه دار الكون به وهو سط دوامه..غرقان في بحر هواه كل ماحصل حبل النجاه يرد يغرق مره ثانيه..تم بندب حظه العاثر..ليش الرب كاتبتله العذاب..كان وده أي شيء يستوي ويتغير حكم القدر..وتكون علياء بين ايديه ،ملكه هب مع شخص غيره..

    ومر الشهر الثالث ومثل ماتقولون صار هناك تفاهم بين علياء وسيف..سيف كان صابر على الهم اللي هوفيه..رضى ان يعيش مع الانسانه اللي يحبها ويفداها لو بآخر قطرة دم من قلبه وهي تحب واحدغيره..ما اتعرفون شوهي لوعت الحب من طرف واحد..وكيف هالانسان يعرف انه بس يقدر يسمع صوته من خطوط الهاتف..لكنه يبنحرم منه طول العمر..كان موعد عرس علياء..هو يوم ممات سيف..دوم يوقل هالرمسه لها..لانه مستحيل يستحمل يكثر..ان صبر اليوم ولا باجر..فما بيقدر يستحمل اللي عقبه..كان كل همه ان حبيبته تعيش متهنيه بقرب اللي تحبه وحتى لو كان هالشيء على حساب سعادته وراحته او حياته..شوفتوا كيف الحب والتضحيه..وهذا الشيء هب من نسج خيالي..هذا الشيء حقيقي..
    .
    .
    يوم من الايام كان سيف خاطف على عيال عمه في دار خلانه بوظبي...فاتصل وسأل علياء..
    سيف: هلا الغاليه...
    علياء: هلا سيف..
    سيف: ها وين انتي؟...
    علياء: يالسه اتلبس بنسير المارينا..
    سيف: قولي والله..انزين ممكن طلب صغيرون..
    علياء: آمر يالغالي..
    سيف: اقدر اشوفك..
    علياء تمت ساكته اشوي..وقالت له: انزين بس من بعيد ولا تقر صوبنا وايد انزين لاني بكون مع بنات عمي..
    سيف: من اعيوني ، حتى لو من بعيد اناظر نظره انا راضي..
    >>>>>>>>>>

    ويوم وصلت علياء المارينا...شافت سيارتين واقفين عرض عند الباركينات وكانوا مشغلين شريط عيضه..وحشره وحاله..وتمن بنات عمها يضحكن..ونزلن من السياره..تمن يتمشن الين الباب..وشوي ولا علياء تسم اصوات ويلات..بنات عمها اتخبلن الا يشوفون..فرضت علياء..وتمن يطالعن من بعيد..وعقب وقفن السيارتين اشوي قريب منهن..وطولوا على اغنية عيضه "* اهمه"* وفي واحد قال بصوت عالي: اهداء حق دلوع بوظبي..اهداء من قلبي لقلبه بس..تمت علياء تضحك عرفت انه سيف..وطرشتله مسج..قالت تبى اتشوفه وهو يرزف..جان يعفد فوق قمة النيسان وتم يرزف بس لعيون الغاليه وعشان خاطرها..كان سيف مخترش خرشه..وهب عارف كيف يقبض عمره..مستغرب شوفيه..ليش قلبه يخفق ابسرعه..وده يسير صوب غناته لكن ما يقدر لخوفه عليها،..وخوفه من الملامة ورمست الناس..
    .
    وتمت علياء مع سيف طول الشهور اللي مايد كان مسافر بهن.. كان مايد مايتصل الا كل اسبوعين مره...وانقضوا الاربع شهور ورد مايد البلاد..
    .
    .
    في بيت هند

    علياء: هنودو ليكون خبرتي مايد اني يايه بيتكم
    هند: افاعليج انا خبزت ايدج..قلتله ان بنسير الاسكيت رباعه..
    علياء: ههههههههههه يالملعونه..اتعرف اتجذب بعد ..
    هند : ههههههههههههههههه...
    علياء: والهديه كيف اعطيه ؟؟..
    هند: مايحتاي تتخبرين بعد سيري غرفته الحين هو يتسبح..ومايد يقعد ساعتين فالحمام..مدرى شويسوي..اعنبوا يبني بنايه هب اسبوح ..
    علياء: انزين...

    ودخلت علياء غرفة مايد، تمت اشوي تطالع اغراضه وحطت هديته على شبريته..وفجأه يطلع مايد من الحمام كان ناسي موس الحلاقه على الطاوله،...تم امبهت يوم شاف جدامه حبيبته ..
    .
    .
    مايد:هذا حلم ولا علم...
    علياء: ههههههههه هذا حلم
    مايد وويتجرب اكثر من علياء..مسك ايدها وضمها لصدره..حس بالراحه..
    علياء: الحمدالله على السلامة..
    مايد:دخيلج مااريد اسمع ولا كلمة اوص.....كان مايد عايش بجو ولا منه...رد خطوه ورى ..وتم يناظر علياء..كأنه من سنين ماشافها..وهي مستحيه وراسها في الارض..
    مايد:علايه حبيبتي الحين مرتاحه..ولايوم كنت مسافر..اكيد قلتي اففف افتكيت من هالحشره..
    عيلاء: ههههههههه فديتك انت تعرف مايحتاي اخبرك.
    مايد:فديتها يوم تدلع اتعرف عمرها..
    ومرت لحظه صمت وكل واحد اعيونه على الثاني..نظرات الحب والوله فيهم..مايد حس انه كان ظميان..ويوم شاف غناته ارتوى .. اتجرب شوي شوي من علياء..وطبع قبله على خدودها المورده....وتسحب علياء ايدها من ايد مايد وتطلع من الغرفه وهي مستحيه لكنها بنفس الوقت كانت فرحانه..والدنيا هب شالتنها..
    .
    .
    يوم من الايام كان مايد ساير صوب العين هو وربيعه ابراهيم..
    مايد: علايه حبيبتي انا بسير العين اليوم عندنا شغل هناك وان شاءالله فالليل يوم برد برمسج..
    علياء:الله يحفظك حبيبي ..بتتأخرون هناك..
    مايد: لا بنسلم على الربع ونسولف وياهم لان من رديت من السفر ماشفتهم ..يعني يبالنا ساعتين..
    علياء: انزين حبيبي انا ما برقد يترياك ..مع السلامة..
    .
    .
    كانت علياء يالسه في حجرتها تسمع اغنية رعبوب ..ويرن تلفونها..
    سيف: مرحبا مليون بالشيوخ..
    علياء: هلا سيف اشحالك..
    سيف: بخير وسهاله ربي يسلمج اعلومج يعلها الا اعلوم الخير
    علياء: بخير
    سيف:ياحسين اللون كالبدري..بوعيون سود ذباحه..ياحلاة الردف والخصري..عود موزٍ تاه بوشاحه..
    علياء: ماشاءالله عليك...وايد حافظ من القصيد..يعجبني يوم تقصد...
    سيف:بوخدود كالدجى تضوي..نورت البلاد والساحه..ريم غالي ساكن فصدري..ماهدوبه ناس فضّاحه... انزين عيل وين المع** عنج اليوم؟؟..
    علياء: محد سار العين ويا ربيعه..
    سيف: هيه عيل الحقي عليه..سيري شوفي عند منو قاعد الحين..
    علياء وهي معصبه: شو تقصد..
    سيف: احيدج فطينه..وتفهمين قصدي..
    علياء: ما اسمحلك اتقول عن مايد جي..
    سيف: هيه يازمن ..
    وعلياء خلاص من سيف قال هالرمسه استوى مالها خاطر ترمسه..كان سيف دوم جي ينغز بالكلام عن مايد..وهي تصبر وتستحمل واتقوله انه مايد محشوم عن كل الظنون اللي يظنبها..
    وتموا يسولفون..وخذاهم الوقت ..واستوت الساعه 1:30...
    علياء: سيف اسمحلي ببند عنك وبدقلك عقب عشر دقايق..
    سيف: القلب يزقرج..
    علياء: مع السلامة
    سيف: ماعليه دواج بعدين..
    .
    وتبند علياء عن سيف وتتصل بمايد.. يرن تلفونه بس محد يرد..قالت اكيد يالس عند ربعه ومايقدر يرد على التلفون..اتريت خمس دقايق وعاودت واتصلت وبعد نفس الشيء محد يرد..طرشت له مسج على اساس اول ما يوصل البيت يدقلها..واتصل سيف..
    سيف: اتأخرتي حشى هب عشر دقايق ساعه...
    علياء: والله ما حسيت ..
    سيف: الشره هب عليج --- الشره ع اللي ماخذ العقل والفكر...
    وخذتهم السوالف ..ووصل مسج لعلياء مكتوب فيه اتصلي ضروري (مايد)..شافت الرقم غريب..فبندت عن سيف واتصلت ع الرقم..
    .....
    : الوووووو
    علياء: منو
    : انا ابراهيم ربيع مايد
    علياء حست بنغزه في قلبها؛ بس ماعرفت شو السبب..
    علياء: مايد وينه...
    ابراهيم: والله ما اعرف شو اقولج...استوى حادث والحين نحن فالمستشفى..ومايد فالعنايه..
    تمت الدنيا ادور على علياء..مااتعرف شو اتقول..هب مستوعبه اللي تسمعه وتمت اتصيح لا شعوريا واتصارخ..وكان ابراهيم يحاول يهديها فرت التلفون وطاحت علىالشبريه مسكت المخده وتمت اتصيح بصوت عالي...حست انه نفسها تنقبض..كانت مستعده اتسوي أي شيء عشان مايد..واتصلت بابراهيم وطلبت منه يخبرها كل شيء..قال انه في حالت غيبوبه..وعنده نزيف داخلي الين الحين ماقدروا يوقفونه..هذيج الساعه علياء حست انه الموت ياهه..فكرت بس بلحظه انها بتفقد مايد..مايد اللي كان كل حياتها..اتذكرت الماضي..اتذكرت اول يوم سولفت معاه على الماسنجر..وكيف قدر يخطف قلبها..مع هالانسان عرفت شيء اسمه حب..اتعلمت معاه احروفه من الالف الى الكاف "*احبك"* ،..كان الهوا اللي تتنفسه مثل ماهي كانت له الماء اللي يروي عطشه..
    .
    مر يوم كامل ومايد بعده في حالت غيبوبه..والدكتور خبر براهيم انهم وقفوا النزيف..وحالته الحين مستقره فاتصل وبشر علياء بـ هالخبر .. علياء طارت من الفرح وصلت ركعتين شكر لربها.. واليوم الثاني نش مايد من الغيبوبه..واتصل بعلياء واطمن عليها ...
    .
    .
    .
    ومرت الأيام والشهور..وموعد تخرج مايد من كلية زايد اقترب اكثر..يعني موعد زواجه من علياء اقترب بعد...

    .
    .
    سيف كان حاس بـ هالشيء.. ان خلاص ماتمت إلا أيام ويودع حبيبته..اتحولت حياته الى جحيم لكنه أبد ماحاول يحسس علياء بحزنه وضيقه..بغى كل شيء مر بسلام ..مابغى يضيق عليها،وهي اللي كانت تتنتظر هاليوم..
    .
    .
    .
    وقبل العرس بـ 3 أيام ...
    سيف وكل الحزن بصوته : هلا علياء
    علياء: مرحبا سيف اشحالك
    سيف: انا بخير دامني اسمع صوتج
    علياء ساكته ما ردت عليه
    سيف: الغاليه انا ما اريد اطول عليج بس بغيت منج وعد
    علياء: آمر
    سيف: ممكن اتدقيلي فالعيد واتعايدين عليه
    علياء: بحاول ، ولو اني قلتلك خلاص ما بتسمع صوتي لكن اتـأكد انك بتكون دايما في قلبي ولا عمري بنساك
    سيف ودموعه تنزل: اتحبيني؟
    علياء: ................
    سيف: بس جاوبيني وقولي الصراحه،..قوليها..
    علياء حطت اغنية عبدالمجيد "* تنتظر كلمة احبك..شايفك مشغول فيها"*
    سيف ماقدر يمسك عمره وتم يصيح لكن بدون ماتسمعه وقالها وهو يتنهد: خلاص ما اريد اعرف الجواب..بس بقولج شيء...
    علياء: قول
    سيف: بيي عرسج وبسلم على مايد ، يرضيج هالشيء
    علياء: لا تقرب من مايد
    سيف: ليش متروعه عليه لاتخافين ما بجتله..لوكانت هاي نيتيا..ماكنت بتريا الى هاليوم..
    .
    .
    علياء خافت من رمست سيف وسكتت
    سيف مارام يتحمل اكثر فا بند الخط وغلق تلفونه..وعلياء تمت ادقله لكن تلفونه كان مغلق..
    .
    .
    ركب سيف سيارته وسرى صوب السيح...وقعد فوق العرقوب..دوم يروح هناك يوم يكون متضايق، تم يصيح ويندب حظه اللي عمره ما صفاله ..طرش حق علياء على البريد الصوتي شلة راكان:"*بحظر زفافك ياحياتي، بحظر زفاف اللي هويته،..وبرزف عشانك لاتحاتي..وبهديك كل اللي بغيته"*..
    .
    .
    ويوم العرس الكل فرحان صغار وكبار..كان سيف موجود...ودخل الساحه اللي فيها الرزيفه واليويله.. وتم يرزف..ودخل المعرس..تم سيف يطالع مايد ونظراته كلها حزن..حسده على اللي عنده..على الانسانه اللي بتكون حلاله وحرمته..وهو خلاص اتحدد مصيره..يكون بعيد عن اللي حبها وتمناها له..ويوم زفوا المعرس..وخلاص بيدخلونه على العروس..سيف انهار..وطلع وهو بصعوبه يمشي..اتصل بولد عمه..يا وشله وداه المستشفى لان سيف يته ضيجه..ماقدر يتنفس..وهم فالدرب سيف وصى ولد عمه وطلب منه ان ينفذه لو صابه شيء..
    .
    .
    في بيت المعاريس

    مايد: الله كم اتمنيت هاللحظه، انا وانتي وبس
    علياء: بس انا ما كنت اتمناها
    مايد اونه معصب: ليش انتي ما تحبيني
    علياء: لا ما احبك ....................................انا اموت فيك
    مايد : ههههههههههههه فديتج
    .
    .
    كانت علياء تعيش احلى لحظات عمرها ومايد فرحان من خاطره اخيرا اتحقق حلمه، وسيف راقد فالمستشفى محد يدرى عن حاله...
    .
    .
    وقبل ماتسافر علياء ومايد لشهر العسل راحت علياء بيت ابوها عشان اتشل اغراضها..ودقت الخدامة البابه وعطتها صندوق مغلف وقالت انها هديه من وحده..علياء استغربت منو اللي طرشتله الهديه..قالت الخدامة ان الريال اللي ياب الهديه قال فالصندوق في رقم دقي عليه بتعرفين منو مطرش الهديه..فتحت علياؤ الهديه بسرعه واول شيء شافت بطاقه ومكتوب عليها رقم جان اطرش مسج كتبت .. منو انتي ؟...محد رد عليها .. فاتصلت ...
    .
    .
    علياء: الووووو
    ) : هلا
    علياء: اسمحلي اخويه مغلطه فالرقم
    ) : لا هب مغلطه انا اللي امطرش الهديه
    علياء: انت منو
    ) : انا استوي ولد عم سيف لو تذكرينه
    علياء: سيف ؟؟؟؟؟...
    ): هيه سيف
    علياء: وليش امطرش الهديه
    ): هب مني الهديه..الهديه من صوب سيف..وصاني اني اوصلها لج وانا نفذت اللي يباه
    علياء: عيل وينه هو؟؟؟
    ): شو تبيبه ،ادعيله ان الله يغفرله ويرحمه
    علياء وهي مستغرب من رمسته وهب فاهمه شيء
    ): افتحي الصندوق بتشوفين شيء بس لا تخافين منه، وخلاف بتعرفين سيف وينه؟؟...وبند التلفون....
    .
    .
    علياء شلت الرساله وحصلت صندوق صغير موجود فالصندوق العود لكن مافتحته قرت الرساله
    .
    .
    "*"* هلا حياتي ، هديتي بسيطه ياليتها توصل مستواج وتقدرين تفهمين كيف كنت احبج..انا كنت حاس ان ما بقدر اعيش اكثر..وان يوم مماتي كان قريب..افتحي الصندوق الصغير بتحصلين فيه شيء..هالشيء تمنيتج تحتضينه..وتحطين وسط قلبج..كان ودي يسكن هناك..لكن ربي ماكتب لي معاج أي نصيب..والحين انا اقدمها لج وهو اغلى شيء عندي احتفظي فيه وانا بعيد عنج..وفي اخر الرساله كتب: انا واحد من آلالف العيون.. انا اللي احب وما اخون .. انا قصه مالها عنوان .. انا اللي انكتب شقايه وانا بعدني اصغير..انا اللي غديت في حبج جتيل"*..بودعج وبودع هالدنيا كلها اللي عمرها ماابتسمت لي**احبج حتى وانا ميت بتم احبج**
    .
    .
    علياء فتحت الصندوق انصدمت يوم شافت هالشيء..ماقدرت تمسك ادموعها..تمنت اتموت ذيج الساعه...
    .
    .
    ومرت الأيام وعاشت علياء مع مايد وكانوا احلى اثنين ..متفاهمين ويا بعض..والحب "*يجمعهم ..واللي عرفته ان علياء ربت ويابت ولد سمته "* سيف


  2. 30-Apr-2011 06:43 PM

    رد: في بيت علياء قصة روووعة

    مشكوووووور والله يعطيك الف عافيه

  3. 30-Apr-2011 07:37 PM

    رد: في بيت علياء قصة روووعة

    الله يــ ع ـطيك آلف ع ـآفيه

    على القصه

    مودتي



  4. 06-Jun-2011 04:03 PM

    رد: في بيت علياء قصة روووعة

    كل شكر وتقدير لكَ ع ـآطرح! الرووعة

    الله لا يحرمنا منك ولا من مواضيعك الممتازة!

    تحياتي وتقديري! اخوك* W a L e e D

    ودي لكَ.


  5. 28-Jun-2011 05:18 PM

    رد: في بيت علياء قصة روووعة

    حلوووووووووووووووووووووووين كتييييييييييير

  6. 28-Jun-2011 05:18 PM

    رد: في بيت علياء قصة روووعة

    والله حلوووووووووووووين

  7. 28-Jun-2011 05:19 PM

    رد: في بيت علياء قصة روووعة

    الله يعطيكم العافية


 
صفحة 1 من 2 12 الأخيرةالأخيرة

المواضيع المتشابهه

  1. شاشة كمبيوتر صور خلفيات طبيعية روووعة
    بواسطة سوسو سوبر في المنتدى صور × صور 2014 و خلفيات 2014
    مشاركات: 11
    آخر مشاركة: 30-May-2012, 12:10 PM
  2. صور أطفال متحركة بس خطيرة..روووعة
    بواسطة البرنس مجدي في المنتدى صور × صور 2014 و خلفيات 2014
    مشاركات: 8
    آخر مشاركة: 30-Apr-2010, 12:41 AM
  3. مشاركات: 0
    آخر مشاركة: 23-Apr-2010, 02:02 PM
  4. وتزوج أعمى.. عمياء
    بواسطة dyadak في المنتدى شعر poems و خواطر
    مشاركات: 3
    آخر مشاركة: 25-Feb-2010, 12:18 AM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •