صفحة 1 من 3 123 الأخيرةالأخيرة
النتائج 1 إلى 7 من 15

الموضوع: نكت جزائرية كلها بالدراجة

اليوم جبتلكم مجموعة من النكت من اختياري انشاء الله تعجبكم قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها

  1. 13-Sep-2008 01:39 PM

    12 نكت جزائرية كلها بالدراجة

     

     

     

     

    اليوم جبتلكم مجموعة من النكت من اختياري
    انشاء الله تعجبكمجزائرية كلها بالدراجة

    قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
    ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت
    *************
    قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة

    ايا دارو عليه ولادوا وجابوا معاهم العصي عطا الشايب لواحد من ولادو 2 عصيات وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
    وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم باباهم وقالهم: روحوا يا ولادي مدام معاكم الجحش هذا ما نخافش عليكم
    ******************
    قالك مرة وحد الراجل متزوج زوج نسا وحدة من ولاية ......ووحدة من ولاية...... وهوما ماشيين طريق طاحتلو السيارة اونبان. نزلت الاولى وقالتلو شوف بالاك لابوجي بالاك
    الموتور بلاك...بالاك..بالاك...قالت الثانية كيفاه هذي تفهم خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها
    طاحة اومبان
    **************
    قالكم كاين واحد عندو الغنم بزاف بزاف بصح ما يصليش واحد المره جاه الامام
    تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
    مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
    4ولا5والسيد صابر يقول ضرك يزيدو ضرك يزيدو حتى بقى ليه كبش واحد
    فات عليه والكبش يقول بع بع بع بع بع بع بع ما حبش يسكت
    دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت

    ***********
    قالك مرة سائق الحافلة دار اغنية التيتانيك

    ايا بداو الركاب يطيشوا رواحهم بانتلهم راح يغرق الbus

    ****************
    قالك واحد جزائري لقى وحدة مصرية قالها واش مدايرا في حياتك

    قالتلوا :انا بقرا في الكلية (باللهجة المصرية)

    قالها :انا ثور في السوناطراك

    *************
    قالك جماعة ....... لعبوا لعبة الاختفاء من 1962مازادوش ظهروا
    ***********
    قالك مرة واحد حلم فالمنام الحمار نتاعوا يهدر معاه قالوا روح تحت الشجرة تلقلى 20 مليون
    اديهم و اعطي للقاضي 5 ملايين بشرط كي تلقاني ميت ادفني فالمقبرة نتاع العباد
    فاق السيد من الحلم و ما صدقش راح تحت الشجرة لقى 20 مليون دينار زاد رجع للدار لقى الحمار ميت
    ايا بدا ينفذ وصية الحمار و دفنوا فالمقبرة نتاع العباد سكان المدينة رفضوا هاذ الشىء و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5 ملاين للقاضي
    القاضي ما صدقش و قالوا واش قال المرحوم؟
    ************
    قالك هاذي ناموسة دور على واحد في الصيف تقلق فيه ايا ضربها طاحت داخت هزوها صحاباتها دخلوها للعناية المركزة جابت 3 ايام و هي في غيبوبة كي فاقت لقات
    قرلو(حشرة) بالقرب منها شاف فيها القرلو و قالها : واش فليت? (مبيد) قاللتلوا:لا لا . بشماق (حذاء)
    **********
    قالك وحد الخطرة وحد السيد اشرى كبش العيد قبل عيد الاضحى بشهرين امالا كانت العائلة كلها تدلل فيه وتلعب معاه حتى انه ياكل معهم و ينام معهم في المنزل و عشية
    عيد الاضحى راح الكبش جبد روحو على العايلة و بدى يبكي جات العايلة سالتو واشبيك تبكي قالهم " قعدنا بلا عيد الناس اكل شراو الكباش غير احنا "
    ***********
    واحد ماعندوش الزهر، راح عند عراف لقاه مات ouuuf كيجا مروح حكموه فوباراج، قالهم الأمير لييديري عفسة شابة مانقتلوش، السيد تفكر بلي عندو 2 سرات،
    قالو الأمير (كان في bus) : أنا و صاحبي قداه من سرة عندنا؟ رد عليه:2، قالو و لوكان تلقاهم 3؟ رد الأمير مانقتلكش!!! قالو السيد لي ماعندوش الزهر oki و
    نعتلو لقاه عندو 2 سرات زاد اللي راكب معاه نعتلو لقا ماعندو حتى سرة!!!!!!!!!!!!!! ياخي زهر ياخي
    **********
    قائد الطائرة: آلو، برج المراقبة هل تسمعني؟
    برج المراقبة: نعم كابتن، نسمعك بكل وضوح.
    قائد الطائرة: كاين ثقب في خزان البزين وراه فرغ و نحن على إرتفاع 10 الاف قدم، واش نديروا؟
    سكت اللاسلكي لحظات.. ثم:
    برج المراقبة: كابتن، هل تسمعني؟
    قائد الطائرة: نعم، بكل وضوح.
    برج المراقبة: اوك، قول ورايا " أشهد أن لا إله إلا الله، و أن محمدا عبده ورسوله



    ************
    هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف
    روحو في لمرايا وقال: هيه... قلتلها نوضيني نوضت خويا
    *************
    واحد دخل للملعب وهاز في يدو مغرف علاه؟..............................حاب يحرك اللعب
    ************
    كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها ......le pere vendredi (اسمه بو جمعة)

    ***********

    قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش
    ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول
    ************
    قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا
    اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح
    الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي
    ***********
    قالك واحد جزائري راح للبحر لقي ليوناردو ديكابريو قالو واش يا روج مازلت ماشهمتش
    *************
    خابط واقف قدام داره سالو شرطي
    انت من اهل البيت ؟
    رد عليه الخابط(السكران)
    لا انا من كفار قريش




  2. 16-Sep-2008 05:39 PM

    رد: نكت جزائرية كلها بالدراجة

    هيسوكة مرحبا فيك وياريت تتواصل معانا حتى نتعلم اللهجة الجزائرية او على الاعم لهجة اخوانا في المغرب العربي
    واحلى نكتة كانت وصية الحمار اجلكم الله

  3. 17-Sep-2008 08:09 PM

    رد: نكت جزائرية كلها بالدراجة

    يسلمووعلى النكت الرائعه
    تقبلي مروري

  4. 14-Nov-2008 07:47 PM

    رد: نكت جزائرية كلها بالدراجة

    يسلمووووو على النكت هههههههههههههههههههههههههههههههه

  5. 27-Jul-2009 02:06 AM

    رد: نكت جزائرية كلها بالدراجة

    شكرا نكت جميلة
    انا ايضا لدي بعض النكت فاسمحولي بنقلها اليك
    كاين ثلاث نسى ينساو زرفة علجية وفتيحة زرفة وعلجية راحو(اي ذهبو) عند فتيحة.
    فتيحة بقات تحط (اي تضع) في القهوة وتعاود(تنسى بلي حطتلهم) كي خرجو زرفة وعلجية من عند فتيحة قالت علجية لزرفة من قبيلة(منذ مدة) واحنى عندها محطتلناش(لم تضع لنا) حتى فنجان قهوة فقالت زرفة علاه(لماذا) كنا عندها

    ***************
    كاين ثلاث نسى الرجال انتاعهم ينساو فقالت الاولى انا زوجي يغلق علي الباب بالمفتاح عندما يخرج وعندما يعود يقوم بكسر الباب ويقول لي لماذا تغلقين الباب اما الثانية قالت انا زوجي دائما ينسى اسمي كل يوم يناديني باسم اما الثالثة قالت انا زوجي يخرج وعندمايعود يقول لي اين رايتك ايتها المرأة
    ********************
    رجل وزوجتة دعاهم رجل امريكي الى الغداء علما ان الرجل لايجيد الانجليزية بعد الغداء وضعو الفاكهة العنب فالرجل هجم على صحن العنب وبدا ياكل بشراهة فقالت له زوجته يكفي لقدانزلت من قيمتي بطريقة اكلك (بخست بيا) فجاة مرت عليه زوجة الرجل الامريكي وقالت it's good فقال لزوجته حت فيك قالت لي زد عنقود
    **************************
    رجل وصديقه عربيان ذهبو الي امريكا فمرو على طفلين يتكلمان باللغة الانجليزية فقال الرجل لصديقه انظر سبحان الله اولاد صغار يهدرو(يتكلمون) بالانجليزية
    ******************
    رجل احول يرى 4 وابنه يرى 2 دخل الابن على ابوه وقال ابي هل اجلب لك قهوة انت وعمي(يرى في ابيه اثنان) فقال الاب خذ اخوانك واخرج عليا(يرى في ابنه اربعة)
    *******************
    امرأة عجوز ذهبت الى الطبيب وقالت انا اشرب كأس ماء يخيل لي اني شربت كأسين وااكل تفاحة يخيل لي اني اكلت تفاحتين فقال الطبيب في المرة القادمة كلي نصف تفاحة سيخيل لك انك اكلت تفاحة واشربي نصف كاس ماء سيخيل لك انك شربت كاس فسالته عن الاجرة فقال400دج فافأعطته20دج فقال لماذا اعطيتني 20دج الاجرة 40دج فقالت العجوز لقد خيل لي اني اعطيتك 40دج (ههههههههه نصيحته عادت عليه)
    ************
    عجوز تحب الكذب بعثها ابنها الى الحج للتتوب فعندما سالها ماذا فعلو اثناء العودة فقالت لقد توقفت بنا الطائرة في الطريق وهبطنا نتزو (ندفع)
    **************
    رجل غبي جاء من الريف للمدينة لاول مرة فراى عمارة بأربع طوابق بقي يبحلق بها لمدة ساعة فراه رجل فعلم انه من الريف فقال اتظن ان النظر الى العمارة بدون دفع فقال نعم فقال لقد اخطات فكل طابق تنظر اليه يجب ان تدفع10دج فنظر ودفع 20دج لما نزل الى الريف قال لصديقه لقد نظرت حتى الطابع الرابع واعطيته حق طابقين فقط
    *******************
    اتمنى ان تنال هذه النكت اعجابكم وشكرا

  6. 22-Dec-2009 05:49 PM

    رد: نكت جزائرية كلها بالدراجة

    الله يعطيك ما تتمناي نحيتيلنا الغمة يا بنت بلادي

  7. 23-Dec-2009 04:53 PM

    رد: نكت جزائرية كلها بالدراجة

    افهم كلمة وكلمة لا..
    يعطيك العافية..
    كل الشكروالتقدير لك....



 
صفحة 1 من 3 123 الأخيرةالأخيرة

المواضيع المتشابهه

  1. الحياه كلها خيارين!! أما او اما
    بواسطة ** كلي دلع ** في المنتدى القسم العام
    مشاركات: 10
    آخر مشاركة: 19-Sep-2008, 03:26 AM
  2. دنيتي كلها (عضو جديد)
    بواسطة دنيتي كلها في المنتدى قسم الترحيب بالاعضاء
    مشاركات: 19
    آخر مشاركة: 07-Sep-2008, 09:44 PM
  3. ترى المعلومات هذي كلها خاطئه
    بواسطة لولوف في المنتدى القسم العام
    مشاركات: 5
    آخر مشاركة: 29-Aug-2008, 06:58 PM
  4. كلها مؤسفه؟؟؟؟؟؟
    بواسطة بدر الغرام في المنتدى القسم العام
    مشاركات: 14
    آخر مشاركة: 21-Aug-2008, 09:58 AM
  5. ســـــــــأقفز...حياتي كلها مشاكل
    بواسطة وحيده كا القمر في المنتدى القسم العام
    مشاركات: 14
    آخر مشاركة: 20-Jul-2008, 11:13 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
نكت جزائرية كلها بالدراجة
5 5
اليوم جبتلكم مجموعة من النكت من اختياري انشاء الله تعجبكمhttp://img.aljasr.com/icon.aspx?m=blank قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا ..... ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت ************* قالكم مرة كاين واحد الشايب مريض قريب يموت وهو على الفراش عيط