اشعار عن التعب




يعين الله يادنيا تسـوق ايّامهـا الأحــزان
يعين الله .. وانتي مثل قفـل ٍ ضـاع مفتاحه



يعين الله ... وجروحي لها في كلّ وقتٍ شـان
كذوب اللي يقول ان الزمن بيـداوي جراحه



سقى الله يوم انا يمـّه غرير ٍ يزعج الجيران
سقى الله يوم انا طفلٍ يصج البيت بصياحه



سقى الله يوم كان اقصى طموحي .. لعبة الدنان
نهاية يومي المغرب ... واخاف الليل واشباحه



سقى الله يوم انا البس بشت ابوي وثوبه القيطان
واقلد كلّ شيٍ فيه .. حكيه .. جدّه .. مزاحه



واشيل المسبحه مثله ليا هوجس وهو سرحان
بيشعر ...واحسب ان اللي عطاه الشعر مسباحه



سقى الله بيتـنا ذاك البسيط مشقق الجدران
شجـاع ٍ يهزم الغدراء … بقنديله ومصباحه



تكحِّلنا القناعه .. لا طمع .. لا هم .. لا حرمـان
واذا جاء الليل تكفينا ... ثلاث اخوان .. طرّاحه



جميع الذكريات اللي غدت في قفرة النسـيان
يحـاكي حلوها عبره ... بموق العين سبّاحه



خذتني غربـةٍ عنوانها ... غربه بلا عنوان
ابي عقب التعب راحه ... لقى فيني التعب راحه



رجعت اليوم مثل اللي رجع عقب القنص خسران
غدا طيره وجاء يسحب سلـوقيه وملواحـه



قصيده مابَعَد مرّت ببال مسـاعد وضيـدان
هواجـيس ابدويٍ هايـم ٍ في عشق فـلاحه



وروح ٍ تايبـه كانت تبي لذنوبـها غفـران
خطـاي انّي كتمت اسرارها بعيـون بواحه



تقولين المطر ماهـوب … يمّـه دايمٍ هتان
اجل معذور قلبٍ في همومه ضاعت افراحه



انا يمـّه غلطت ولاني اول واحـدٍ غلطان
ابونا آدم من الجنه خرج باسباب ... تفاحه



خذلك الوقت فيني .. ماخذلتك ياأعـز انسان
وش الدبره ؟ وحظي صار.. قفل ٍ ضاع مفتاحه




____________________________________



ودي اجيكـ من التعب أضمكـ ..
:

وتشوف أنا وشلون عايش بلياكـ

:

قربكـ عطر ودي من البعد أشمكـ ..

:

أخاف يبرد مابقى لـي بذكـراكـ

:

أبنثركـ في عروق قلبـي ولمـكـ ..

:

وأحسسكـ بالحب في يوم لقيـاكـ

:

باقي معي أغلى هديـه تهمـكـ ..

:

صورتكـ كاتب فوقها مقدر أنساكـ

:

متى يزين الوقت وأكـون يمـكـ ..

:

اقلها اعرف ظروفـكـ ودنيـاكـ

:

ياليتني في أنفاس روحكـ ودمكـ ..

:

أبقى معكـ وأعيش الأيام ويـاكـ

:

ياكثر ماني بغربتي شلت همـكـ ..

:

انشد نجوم الليل من عقب فرقاكـ

:

عليكـ أخاف أكثر من أبوكـ وأمكـ ..

:

والله ماتلقى مثل قلبـي أغـلاكـ

:

مارتاح أنا من الوله لين أضمكـ ..

:

وأعلمكـ وشلون حالـي بليـاكـ


_________________________________________





تعب
كل الشعور البارحة
اللي يناديني
تعب
/
\\
/
حبيبتي والأسئلة
اللي سكنتني البارحة
في زحمة غيابك
تعب
/
\\
/
حبيبتي والمشكلة :
تعبت أجيب ل/غيبتك
يا سبة أحزاني عذر
وتعبت أقول : إني أحب
/
\\
/
تعبت أقول ل/ساعتي
ول/ شمعتي
ول أقسى شعور ٍ مرني:
ناموا وخلوني أحب

تعبت أسرّح ليلتي
ب رموش جفني والسهر
وتعبت أقول: إن المدى
فجرك ولا حولي فجر

حبيبتي..!!
كان الغياب
اللي قطعتي سكته
أروى بساتينك جفا
أنا الوفا
وأنا الوحيد اللي بقا
في زحمة غيابك يحب


__________________________________


اليا بدت لك حاجتن وانت معتاز
الله لا يجعل ورا الناس عازه
الخرب مشروهه على مخلب الباز
وينبيك عن جو العواشز عفازه
ماجاز ولاجاز وان جاز ماجاز
هرجن يكود الطيبين اجتيازه
وقولن بلا صفه وتكميل وايعاز
مثل الرشى من مد يمناه مازه
وان جابك الله بين هامز ولماز
عليك بلي رز علمه ورازه
يرقا بها لطا يله دون معكاز
معزول عن راع النشاز ونشازه
لطيبه شاري ولطيب منحاز
ماخسر مفزاعه وربح انحيازه
وانا تعبت افل وحل الالغاز
وفي ظامري همن يدن ارتوازه
وشلون اواسي عرق قلبي ليا ماز
مازوه مافاده كثير احترازه
غروه برحب وأشهر اعطور قزاز
يعني جزاته بس عطر وقزازه
أما أعدموه بسيف ولاتر الغاز
شريعه الي يشرق النفس غازه
ولا تركوه أن خسر مبداه وأن فاز
صعبن علي موته وصعبن مفازه
وصعبن على الي ماله اصروح وانجاز
يحتال بمرن مستحيلن نجازه
للفلسفه سقراط والخبز خباز
والطيب درب وللعزيز اعتزازه
وللقرم سلم وللمدوبل ترزاز
وللعلم نور وللمصلي مفازه
وللعين دمع وللمشاعر تفرقاز
ولشيخ قدر وللخسيس انتهازه
وللعيب ذنب وللمحاذير منغاز
وللوقت جور ولظروف اهتزازه
ولذيب سنح وللهزيله تلزاز
وللعربجي شكله وعرفه وقازه
ولضحك وقت وللمسابيح خراز
ولسيف حد ولرماح أرتكازه
ولدين سمت وللمشاكل تقواز
ولسلطه العليا مكان ومحازه
والشعر نبض أحساس فايز وفواز
مثل الجبل ماكل من جاه هازه
نعم عجزت من العتب والتمركاز
والخوف من جيب الرقيب وجهازه
ويارب وأن جيت أطلب الناس معتاز
لا تحطلي في مزهب النذل عازه

______________________________________________


ابــي هـــالـــدنيا تصفالي وأعيش بدنيتي مرتاح...
وأكون بنظرتـــك أنســان عاش بهالزمن راقي ...


أنـا ما كــنــت غير انسان عايش في الم وجراح...
يغــنـي للـــــزمن مــوال وأغـني له أنـــا راضي...


تعبت أضحك على غيري وأغني له أنـــا مرتاح...
وأنــا قلبي بدى يوقــف يـقــول ان الزمن قاسي...


أغني للزمن مــوال عـاش القــلب دون رماح...
يتــعدى نــغم صــدري وتـــوصل حــد احساسي...


تسألني عن أخباري أقــول ان الـــزمن جراح...
يجاوبني عن اخباري وانــا أسأل عن اخباري...


ينادي الوقت يا قلب نسى بان الزمن فــــضاح...
تجاهل سكة الفرقى وأنــا أكتب على جداري...


ينادي لــه أنـــا راضي أكـــون الحب والأفراح...
وأنـا أتمنى يصارحني وأعيش براحه في داري...


تجاهلت التـــعب مــــرات ومــرات التعب ذباح...
يـــذبــح خافقي وأصرخ أبي حبك من أسراري...


صرخت بوجه هالعالم أنــــا ما كنت غير سلاح...
يــنـــادى في الحروب سلاح ويلبي على الطاري...


رسمت القلب في تابوت يبكي والبكى جراح...
يــجــــرح في تلاميذهـ واستاذهـ بعد جاري...


أنــا مااقدر أقول الا أحبك والقلوب رماح...
وأنا في عزة جراحي لحبك دوم أنا شاري...


_______________________________



اجيك من التعب ثم أضمك ..


وتشوف أنا وشلون عايش بلياك ..


قربك عطر ودي من البعد أشمك ..


أخاف يبرد مابقى لي بذكـراك ..


أبنثرك في عروق قلبي ولمك ..


وأحسسك بالحب في يـوم لقيآك ..


باقي معي أغلى هديه تهمك ..


صورتك كاتب فوقها مقدر أنساك ..


متى يزين الوقت وأكون يمك ..


اقلهـا اعـرف ظروفـك ودنيـاك ..


ياليتني في أنفاس روحك ودمك ..


أبقى معك وأعيش الأيام ويـاك ..


ياكثر ماني بغربتي شلت همك ..


انشد نجوم الليل من عقب فرقاك ..


عليك أخاف أكثر من أبوك وأمك ..


والله ماتلقى مثل قلبي أغـلاك ..


مارتاح أنا من الوله لين أضمك ..


وأعلمك وشلون حالـي بليـاك..


مما راااق لي