صفحة 1 من 4 1234 الأخيرةالأخيرة
النتائج 1 إلى 7 من 27

الموضوع: روايه لاقلت أحبك إسكتي وإحضنيني للكاتبة عطر العبير غاية الروعة

بسم الله الرحمن الرحيم ... شلونكم شخباركم انشالله تمام ... طبعا هذا اول موضوع لي بهذا القسم ... حبيت انزل لكم روايه سعوديه .. انشالله تعجبكم

  1. 16-Dec-2008 11:23 PM

    روايه لاقلت أحبك إسكتي وإحضنيني للكاتبة عطر العبير غاية الروعة

     

     

     

     

    بسم الله الرحمن الرحيم ...

    شلونكم شخباركم انشالله تمام ...

    طبعا هذا اول موضوع لي بهذا القسم ...

    حبيت انزل لكم روايه سعوديه ..

    انشالله تعجبكم وتفاعلون مع احداثها ...


    طبعا راح يكون صعب علي اني انزلها كلها فراح انزل بارت بارت ..

    عشان تتحمسون ..

    تحياتي ...






    فتحت باب غرفتها ودخلت وقفلته من وراها مرتين
    رمت المفتاح عالسرير فتحت شعرها ..آآآخ راسي بينفجر من صوتها النكره ..حسبي الله عليها من حرمه
    حشى مو لسان اللي عندها افففف..طاحت عينها عاللاب توب .. نطت بخفه عالسرير فتحته
    حاولت تشبك النت بس ماشبك أخذت جوالها ودقت الرقم : مرحبا شادن
    شادن اللي علاقتها مع بنت عمتها جدا عاديه : هلا وريف
    وريف: اسمحيلي بس بغيت شي من موقع بالنت والظاهر المودم مقفول
    شادن: أيه انا قفلته إسمحيلي نسيتك
    وريف بقلبها ((هذا ولنا 4 سنين عندكم )) :لا فديتك عادي بس ممكن تشغلينه؟
    شادن : اوكي خمس دقايق ويشتغل
    وريف: اوكي واسفه عالإزعاج
    شادن: لا إزعاج ولاشي .. مع السلامه
    وريف: بحفظ الله

    قامت شادن وشغلت المودم اللي كان بغرفتها وطفت النور ونامت ..


    اما وريف انتظرت 10 دقايق وحاولت وشبك النت فتحت عالمنتدى بسرعه سجلت دخولها ((خواطر مكسوره)) ودخلت شيكت على الخاطره اللي نزلتها قبل نص ساعه ..
    ((إليك يا رجلا سلبت سعادتي ..
    إليك يا موتا آثرته على حياتي..
    إليك ياحبا طُعنت في بدايته وقتلني بنهايته..
    إليك أبعث أشواقي الذليله ..
    أبعث مشاعري الكسيره ..
    وحروفي المبعثره على بساط الأسى ..
    أحبك .. وأكرهك أكثر مما أحبك..
    أكرهك .. وأحبك أكثر مما أكرهك..
    تناقض المشاعر في دواخلي سببها حبك المجنون المتغلغل في دواخلي .. ذكرياتك القاتله التي تفرض ابتسامة الخساره على شفتاي..
    لمساتك الحانيه التي باتت أقسى من طعنات خنجر مسموم..
    أحبك.. ويصرخ جرح الخذلان بداخلي أكرهك..
    أكرهك .. ويصرخ قلبي الولهان أحبك..
    فسلاما يارجلا تساقطت اوراق حياتي على بابه ..
    ’,
    خواطر مكسوره))

    واااااو الخاطره مالها نص ساعه والردود ثلاث صفحات كانت جالسه تقرى الردود وابتسامة الرضى على شفاتها ماتفارقها قرأت أحد الردود من مشرف الخواطر والنثر
    ((اختي خواطر كنتي ومازلتي وستبقين من أبرز الأقلام هنا بل بالشبكه العنكبوتيه ككل .. ولكن المنظار الأسود الذي تنظرين به إلى الحياه ..سيضائل بشكل أو بآخر من شعبيتك وجمهورك .. انتي ككاتبه مشهوره يجب عليك إحترام آراء قرائك وجمهورك وتلبية رغباتهم ..تقبلي نصيحتي ورأيي المتواضع ..أخوك .. المشتكي حبه))
    تنرفزت وريف من الرد .. هو صح مشرف القسم بس مايحق له يتحكم بكتاباتي ..إقتبست الرد وردت عليه
    ((مشرفنا المشتكي..
    نحن هنا بقسم الخواطر والنثر .. أي أنثر ما أشعر به وأسطر ما يجول بخاطري كيفما شئت .. ولست في برنامج مايطلبه المستمعون .. انا حينما بدأت بالكتابه قبل أربع سنوات لم أنشد الشهره .. ولم أطلب المتابعه من أحد .. كنت ولازلت أكتب شيئا أراه جميلا بنظري .. وعرفني الجمهور هكذا ... واحبني هكذا ..وهذه الخاطره التي لم يستسيغها ذوقك أكاد أجزم وانا لم أتجول بقوقل بعد ..أكاد أجزم بأنها قد نقلت لأكثر من منتدى ولم يمضي على وقت نزولها إلا نصف ساعه .. شكرا أخي على النصيحه التي لم أقبلها ..أختك خواطر ))

    ارسلت الرد وهي تحس ببعض الراحه يوم تنرفزت على هالغبي مسوي نفسه فاهم اففف.. فتحت صفحة قوقل جديده وسوت بحث عن عنوان الخاطره ولقتها منقوله بأربع منتديات إبتسمت وسمعت صوت أمها ينادي :وريف.. وريف يمه
    وريف فتحت الباب بسرعه وراحت تركض لأمها : سمي يمه؟
    ام وريف: يمه علامك لي ساعه اناديك
    اخذت وريف يد أمها وباستها : سامحيني يالغاليه بس والله ما سمعتك
    ام وريف : مسموحه يا بنيتي .. وراك ماتعشين وانا أمك
    وريف تذكرت كلام زوجة خالها اللي سد نفسها عن الأكل : لا يمه شبعانه الحمد لله
    ام وريف بنظرة شك : متأكده إنك شبعانه؟
    وريف اللي مستحيل تبين لأمها ضيقتها : أكيد يمه متأكده
    ام وريف : زين يابنيتي بغيتك بموضوع
    وريف ابتسمت وإجلست عالكرسي المقابل لأمها : امريني عيوني لك
    ام وريف : تسلمين لي .. بس بغيت اقولك ان سلطان ولد جارتنا ام سلطان
    وريف : ايه اعرفه وش فيه؟
    ام وريف : وش رايك فيه

    وريف عقدت حواجبها : زين بس وش فيه
    ام وريف بإبتسامه : خطبك اليوم من خالك
    تغير وجه وريف تغيرت حالتها كلها من نظرة عيونها لرعشة يدينها : لا لايمه مو موافقه
    ام وريف : ليش يا بنتي؟؟ توك تقولين زين
    وريف بدت تعصب : زين لنفسه ماهو لي .. وبعدين قلت لك ما ابي اتزوج
    ام وريف : يمه اللي صار ماضي وخلاص
    قاطعتها وريف اللي دموعها غطت عيونها : يمه كم مره اقولك لا تفتحين هالموضوع
    ام وريف : والله ودي افرح فيك واتطمن عليك قبل اموت
    وبكت ام وريف
    وريف اللي دموعها خانتها : بسم الله عليك يمه عسى يومي قبل يومك .. وبعدين انا بتخرج واتوظف واشتري بيت ونطلع من هنا وعد يا يمه وعد أغنيك عن الحاجه ..
    وراحت تركض لغرفتها.. قفلت على نفسها الباب وحضنت مخدتها وبكت ..
    ’,
    ’,
    ’,
    فيصل اللي كان لابس نظارته وكان يقرى بحماس

    عبد العزيز : ههههههههههههه شفت شكلك انت وانت تقرا؟؟
    بس فيصل مارد عليه ..
    عبد العزيز: هييييييييييييييه فيصل
    فيصل بعدم انتباه : هاه
    عبد العزيز : إش عندك ؟؟
    فيصل : خواطر نزلت خاطره جديده
    عبد العزيز : من خواطر؟؟
    فيصل : خواطر مكسوره اللي بالمنتدى
    عبد العزيز : ياااااااااااااااغث دم ذيك الانسانه تحسها معقده نفسيا
    فيصل : احس وراها سر بحياتها
    عبد العزيز : الا قول مريضه نفسيا
    فيصل : تصدق على كثر هالشباب اللي يتلزقون ماتعطيهم وجه
    عبد العزيز : بلا مابه أحد يعرف لها
    فيصل : اقولك اشكال والوان بس ثقيله
    عبد العزيز : يمكن انها ولد
    فيصل : بالله عليك كل هالمشاعر تطلع من ولد؟؟
    عبد العزيز بعد تفكير : وش لي إذا جبت راسها؟؟
    فيصل بوناسه لان عبد العزيز اذا بغى شي جابه: لك اللي تبيه
    عبد العزيز: اللي أبيه؟؟؟

    فيصل يأكد : اللي تبيه
    عبد العزيز : تم
    فيصل : كفوووو


    كان سلمان توه واصل من العمل ..
    سلمان غير متزوج عمره 33 سنه ابوه توفى من هو 6 ابتدائي وهو اكبر اخوانه كانو يسكنون بشقه ايجار ماكان عندهم أحد يصرف عليهم اختار انه يدرس ويشتغل لين اغتنى واغنى اهله معه وبعد ماتخرج من الجامعه صار يشتغل بدوامين ..
    سلمان: السلام عليكم ورحمة الله وبركاته
    ام سلمان: ياهلا والله بهالوجه
    سلمان ابتسم غصب وهو تعبان : هلا بك يمه وشلونك اليوم؟
    ام سلمان: بخير ياجعلك بخير ((وتنادي الشغاله)) ياسونيا .. سونيا حطي العشاء يالله
    طلت فجر مع باب المطبخ مبتسمه : وش حاجتكم لسونيا وفجوره موجوده
    سلمان: هههههه عسى الله لايحرمنا منها ان شاء الله
    جات فجر وحضنت اخوها اللي تعتبره ابوها : شلونك
    سلمان: بخير انتي اللي وشلونك؟

    فجر : بخير وعزوز اتصل ويسلم عليك كثير السلام
    سلمان: الله يسلمه .. انا ابي اتصل عليه بس انشغلت
    ام سلمان: خلاص يايمه مره ثانيه ان شاء الله
    سلمان: لالا بكلمه اللحين يمكن يبي شي محتاج شي
    فجر: اوكي انا بروح احط لكم العشاء على ماتكلم عزوز
    سلمان : طيب خلاص

    طلع سلمان جواله واتصل على عبد العزيز
    عبد العزيز: هلا والله
    سلمان: هلا فيك يالغالي وشلونك يبه ؟
    عبد العزيز : بخير عساك بخير انت بشرني عنك؟
    سلمان: كلش مثل ماتبي .. كيف دراستك؟
    عبد العزيز : ادعولي وان شاء الله ما اخيبكم
    سلمان: تكفى ياعبد العزيز حط بالك على دراستك
    عبد العزيز : يالغالي انا لو ما اشتهي ادرس بس اتذكر وش كثر تعبت معي عشان اكمل دراستي برا اطير طيران عالكتب
    سلمان عيونه دمعت من الفرحه بأخوه: ههههههههه الله يوفقك.. اليوم فجر مسويه لنا العشاء
    عبد العزيز: هههههههههههه عليكم بالعافيه
    سلمان : تامر شي؟
    عبد العزيز: سلامتك

    سلمان: مع السلامه يبه
    عبد العزيز : بحفظ الله

    ام سلمان: هاه وشلونه ياوليدي؟
    سلمان مبتسم: يقول ان شاء الله امتياز
    ام سلمان ترفع كفوفها للسما : يااااالله جعلني افرح فيك ياسلمان
    سلمان يضحك : ههههههههههه لا يايمه انا راحت علي خلاص عزوز وفجر وجوري هم عيالي الله لا يحرمني منهم ولا منك.. الا على طاري جوري وينها فيه؟؟
    ام سلمان: العوبه زعلانه
    سلمان: افاا من مزعلها؟؟؟
    ام سلمان: تقول طفشانه وتبي تطلع وقلت لها مابه أحد يوديها
    فز سلمان من مكانه: وانا وين رحت؟؟؟ يالله اليوم بنتعشا برا
    فجر اللي كانت طالعه من المطبخ بالصحون سمعت الجمله وبخيبة امل قالت : وشهووووو
    سلمان: فجوره
    فجر زعلانه: خير
    سلمان: بشاورك واللي تحكمين فيه يمشي زين؟
    فجر : زين

    سلمان: اختك زعلانه يصير لك نفس تاكلين؟؟
    فجر: ايه يصير لي
    سلمان:الزبده.. نتعشا برا واوديكم الملاهي واذا رجعنا تسهرون عالعشا اللي انتي مسويته
    فجر : لا نتعشا من اللي انا سويته ثم نطلع
    سلمان : ههههههههه موافق وامري لله
    فجر ابتسمت لسلمان : الله لايحرمنا منك يارب
    سلمان : ولا يحرمني منكم .. ابطلع لجوري

    طلع سلمان لغرفة جوري واللي صممها سلمان وردي على ذوق جوري... وطق باب الغرفه مارضت تفتح .. طق مره ثانيه .. مارضت تفتح .. المره الثالثه تكلم : جوري يبه هذا انا
    جوري بسرعه فتحت الباب وبنبرة زعل : اسفه احسبك فجر
    سلمان: وحتى لو فجر اللي عند الباب عيب يايبه تسفهين الناس
    جوري وهي زعلانه : طيب
    سلمان: وش فيك زعلانه؟؟؟
    جوري :سلومي تكفى جيب لنا سواق
    سلمان: الف مره قلت لكم سواق لا انا مستعد اوديكم لكل مكان بس سواق لا
    جوري: بس انت تتعب مره

    سلمان: اهم شي انتو ترتاحون... وعلى فكره اليوم جاي على بالي اوديكم الملاهي بس بشرط
    جوري والوناسه مبينه بعيونها: وشهو؟
    سلمان: تنزلين تتعشين معنا
    جوري: موووووافقه
    سلمان يضحك : هههههههههه يالله اجل ننزل
    ’,
    ’,
    ’,
    الساعه 2 ونص الظهر ببريطانيا .. عبد العزيز اخر سنه له وياخذ الشهاده ويرجع السعوديه يحس انها ثقيله وصعبه رغم انه متفوق فتح باب شقته اللي يسكن معه اصحابه فيها الشقه كانت عباره عن 3 غرف وصاله .. عبد العزيز طالع باللي بالصاله شاف هيثم ومعاه بنت امريكيه.. عبد العزيز اللي عصب وتكلم بالعربي: هيثم وش جايب هالزباله هنا؟؟؟؟
    هيثم: بشويش لاتصرخ طيب شفيك ياخي
    عبد العزيز : من هذي؟؟؟؟
    هيثم : خويتي ياخي وش فيك؟
    عبد العزيز : هيثم برا شقتي سو اللي تبي .. خربط على كيفك .. لكن هنا التزم لو سمحت
    هيثم : الله واكبر يالعاقل..

    عبد العزيز : الدعوى مو دعوة عاقل ولا مهبول .. الدعوه دعوى انا جايين ندرس مو نخربط احيان نستهبل بس ماتوصل لهالدرجه
    هيثم : والمطلوب اللحين؟؟
    عبد العزيز يناظر للبنت بقرف : اطرد هذي برا والحقها اذا مايرضيك كلامي
    هيثم سحب البنت وطلعو برا .. عبد العزيز عارف انه بيرجع ولازم يتكلم معه زين ويتفاهمون عالحدود اللي مالازم احد يتعداها بهالشقه .. حط عبد العزيز لاب توبه وكتبه واغراضه عالطاوله بس شاف شي خلاه يجمد ... اكواب وجنبها ثلج ... قرب الكوب وشمه .. ريحة خياس .. حسبي الله عليك ياهيثم خمر في شقتي .. عبد العزيز راح لغرفة فيصل يصرخ: فيييييييييييصل فييييييييييصل
    فيصل اللي توه صاحي من النوم : همممممم
    عبد العزيز : شف الحقير صاحبك بنات وخمر بالشقه
    فيصل : هااه؟
    عبد العزيز : هوا .. اقولك قوم اتصل فيه قول له شقتي تتعذره هذا اللي ناقص
    فيصل: خلاص هات تلفوني انا اكلمه



    رجع عبد العزيز وهو معصب من هيثم بعد ما تأكد ان فيصل كلمه .. دخل فيصل على عبد العزيز بالصاله وهو يشبك النت وحط فيصل الفطور قدامه
    فيصل : هاه وش صار على خواطر؟
    عبد العزيز : من خواطر؟
    فيصل : خواطر مكسوره
    عبد العزيز : أيه للحين ما سويت شي
    فيصل : عزوز وش تبي تسوي؟
    عبد العزيز : ابجيب راسها اللي ماقدرتو تجيبونه وبعدين خلاص
    فيصل بخوف: وش اللي خلاص؟؟وبعدين إنسى سالفة هالبنت خلاص ياخي دراستنا أهم
    عبد العزيز وابتسامته اللي تميزه على جنب وحاجبه مرفوع : ماخلقت اللي تستحق إحترامي وتشغل وقتي .. انا قلت لك بس بجيب راسها وخلاص
    فيصل : تكفى يالواثق هههههههههه كني اشوفك تجر أذيال الخيبه ههههههههههههههههه
    عبد العزيز : تتريق انت ووجهك ..
    وسكت شوي وضحك: ههههههههههههههه جاتني فكرره
    فيصل : وش هي؟؟
    عبد العزيز : تعال جنبي وبتشوف بنفسك

    دخل عبد العزيز المنتدى اللي هو مسجل فيه اساسا وسجل بإسم جديد وارسل رساله لخواطر مكسوره


    بهالوقت كانت وريف منفخه عيونها من كثر البكا .. الجرح رغم مرور عليه 4سنوات بس هو لازال مفتوح وأي رشة ملح تزيد المواجع ..
    قامت وضت وصلت الفجر وتجهزت للجامعه وبقى معها نص ساعه على ما زياد ولد خالها يجهز ويوديها هي وشادن للجامعه
    فتحت النت فتحت المنتدى وسجلت دخول.. لقت رساله خاصه من وحده إسمها أسيرة الذكريات عجبها النك بالحيل فتحت الرساله
    ((السلام عليكم اختي خواطر .. أنا بصراحه وحده من المعجبين بكتاباتك الروعه .. وسجلت بالمنتدى بس عشان أشكرك خصوصا على اخر خاطره اللي أمس نزلتيها تسلم يدينك لاعدمناك .. بس انا عندي مشكله وابي آخذ رايك لأنك قدوتي بالكتابه .. أنا أبي أألف كتاب بس ما ادري اذا كتاباتي تصلح للنشر او انها غباء..
    اذا ماعندك مانع هذا ايميلي))


    هالوقت رن جوال وريف اسم شادن ..أكيد تبيني انزل
    وريف: هلا

    شادن: وريف بسرعه إنزلي
    وريف: زين ان شاء الله
    قفلت وريف الجهاز وطلعت تركض بسرعه دخلت السياره
    وريف : السلام عليكم
    زياد+ شادن : وعليكم السلام

    وصلو الجامعه ونزلو .. شادن راحت محاضرتها .. اما وريف ماعندها محاضرات الا الساعه 12 بس ماعندها أحد يجيبها واضطرت تجي بدري ..فجأه شافت فجر بزوايه الكافتريا راحت شبه تركض من الفرحه : فجووووور يالدبه مداومه انتي؟
    فجر: هلااااا والله ايه مداومه
    وريف : ورا ماقلتي لي؟
    فجر : توقعت ماتجين بدري
    وريف: تعرفين اني ماعندي أحد يجيبني
    فجر :اهاا صح نسيت.. تعالي نفطر على الطاوله اللي هناك
    بعد ماجلسو البنات وافطرو تذكرت وريف الرساله اللي اليوم
    وريف : الا ماقلت لك
    فجر: وشهو ؟؟
    وريف : اليوم وحده مرسله لي تقول تبي تطلع كتاب وتبي تشاورني في كتاباتها

    فجر: وريف ودي اقولك شي بس أخاف تفهميني غلط
    وريف: امريني قولي
    فجر: اللحين انتي كتاباتك معروفه بين العالم .. واسمك مشهور .. ليش ماتبيعين كتاباتك ؟؟ اقل شي تدبرين امور كتب الجامعه
    وريف تنهدت : فكرت بهالفكره بس اذا سويتها يبي لي ألتزم للي أبيعهم وانا ما أحب الإلتزام ..وغير كذا اذا التزمت ابنسى دراستي
    فجر: لالالالا الا الدراسه ههههههههههههه
    وريف: هههههههههههههه

    رجعت وريف من الجامعه سلمت على امها وطلعت صلت العصر وناظرت بالكتاب افففف كبير مايمديني أذاكره كله وبكره الامتحان .. من التعب نامت بشرشف الصلاه عالسجاده الساعه 8 صحت وفتحت الكتاب تذاكر
    ’,
    ’,
    ’,
    بهالوقت في بريطانيا ..
    فيصل : هاه ردت عليك؟
    عبد العزيز : لا اسحبت علي

    فيصل : قلت لك ثقيله ماترد على احد ههههههههههههه
    عبد العزيز : وراها وراها لين اجيب راسها
    فيصل : خلاص يابوي إتركها بحالها
    عبد العزيز بعناد : مو عبد العزيز اللي يخسر فهمت
    فيصل: فهمت والله يعينك

    شادن واللي عندها امتحان بكره ابتدت تذاكر الساعه 10 الليل .. شادن انسانه منعزله ماتخالط الناس يعني كافيه خيرها شرها.. لاصداقات ولا علاقات

    الساعه 3 بالليل وريف راسها كبر الفيل من الصداع قررت تنزل تسوي لها قهوه تعدل بها راسها وترجع تكمل مذاكره طلعت من الباب وهي تترنح من التعب وقابلت عمها وزوجته قاعدين بالصاله :السلام عليكم
    ابو زياد: هلا وريفه شلونك
    وريف : هلا خالي بخير عساك بخير وشلونك انت
    ام زياد: وريف حبيبتي ليش مافتحتي لي قبل شوي يوم كنت جايبه لك العصير
    وريف بقلبها ((الله واكبر يالنصب كل ذا عشان خالي جالس ولا كان طلعت على حقيقتها )): لا ياخالتي ماله داعي تتعبين نفسك
    ونزلت وريف للمطبخ وخلتهم .. خالها طيب بس شخصيته ضعيفه .. اف يقهر سوت لها كوبين قهوه لها ولشادن اللي اول ما سكنو معهم حاولت تتقرب منها .. لكن شادن صدتها ..
    طلعت لغرفة شادن وطقت الباب وفتحته شادن
    شادن: نعم
    وريف: سويت لك قهوه عشان تصحصحين زين للمذاكره
    شادن: شكرا
    وريف:العفو بالتوفيق
    شادن بإبتسامه : وياك
    صكت الباب ورجعو كل وحده تكمل مذاكره..
    الساعه 8 ونص طلعت وريف بعبايتها وكتابها بيدها والطرحه على كتوفها تنتظر شادن تجهز وزياد تحت ينتظرهم .. ماحست إلا باللي ماسكها من شعرها ناظرت باللي ماسكتها :خير وش تبين؟
    ام زياد: والله ياحيوانه ان ماتعدلتي لتشوفين شي ماشفتيه
    وريف بتمرد : وانا وش سويت؟؟
    ام زياد: كفايه انا لامينك انتي وامك من الشارع ومتصدقين عليكم بالعيشه
    وريف جرحها الكلام بس كابرت : لا صرتي دافعه من فلوسك شي تكلمي
    وراحت بسرعه وريف عشان تخبي دمعتها اللي نزلت على صفحة الكتاب .. جلست وريف على الدرج الداخلي وفتحت القلم وكتبت على صفحة الكتاب ((على صفحة الحزن كُتب إسمي بالسواد))
    بهالوقت وصلت شادن وطلعو الثنتين لزياد وراحو لإختبارهم ..


    فجر: ترى لازم تعلمين خالك عليها هالكلبه
    وريف: يافجر وش لي بالمشاكل وانا ضيفه؟؟ تهقين انه بيوقف ضد زوجته ام عياله عشان خاطري يمكن مره يدافع عني .. ومره ثانيه بس آخرتها بيطفش مني ومن أمي
    فجر:الله يعينك ان شاء الله.. هاه رديتي على البنت اللي بتشاورك بالكتاب
    وريف حطت يدها على فمها : يافشيلتي منها .. نسيت والله نسيت
    فجر : ماعليك إكتبي لها كنت مشغوله ومافتحت النت
    وريف: هذا اللي بسويه

    سلمان : كان بألم بصدره فظيع .. الم مو طبيعي خلاه يطلع من الدوام اليوم بدري.. اتصل على فجر وقال لها انه بيمرها اللحين دامها خلصت من الإختبار..

    وصلت وريف الساعه 2 ونص الظهر دورت امها وحضنتها : وشلونك يمه
    ام وريف : بخير شلون امتحانك اليوم؟
    وريف: يجنننننننننن الحمد لله
    ام وريف : الحمد لله
    وريف : عن أذنك أبريح شوي
    طارت وريف عالغرفه وشبكت النت وفتحت المنتدى وردت على اسيرة الذكريات
    ((هلا اختي ..آسفه تأخرت بالرد كان عندي ظروف أشغلتني مادخلت امس .. عموما اتشرف بك .. وابضيفك عندي بس لو سمحتي لا احد يدري اني ايميلي عندك ))
    عبد العزيز اللي كان مسجل دخوله بإسمه الأساسي ((كبرياء الجرح)) اول ماشاف خواطر مكسوره متواجده بالمنتدى طار عالمتواجدين شافها تحوس بالرسائل الخاصه طيران سجل خروج وسجل دخول بإسم اسيرة الذكريات.. لقى رساله خاصه من خواطر مكسوره قراها وفتح الماسنجر وجاته إضافه من ايميلها
    لقاها اون لاين وهو كان اوف لاين كان نكه ((القلب دكان وكلن له مكان)) مسح النك وفكر فكر بعدين تذكر توقيع واحد من أخوياه بكتابه ((الأفق لا يعني السماء))
    اما وريف كان نكها .. (( على صفحة الحزن كُتب إسمي بالسواد))
    ::دخل عليها عبد العزيز ::
    الأفق لا يعني السماء:
    السلام عليكم
    على صفحة الحزن كُتب إسمي بالسواد:
    وعليكم السلام هلا أسيره
    الأفق لا يعني السماء:
    هلا خواطر شلونك ؟؟
    على صفحة الحزن كُتب إسمي بالسواد:
    انا بخير بشريني عنك حبيبتي
    الأفق لا يعني السماء:
    حبتك العافيه يارب .. انا بخير
    ((دخل فيصل بهالوقت وناداه عبد العزيز :لا يفوتك
    فيصل: وشهو؟؟
    عبد العزيز : خواطر اون لاين
    فيصل : يلعن ابو الحركاااااااااااااااااااااات
    وجاء جلس جنب عبد العزيز يقرى المحادثه
    الأفق لا يعني السماء:
    اسفه باك ..
    على صفحة الحزن كُتب إسمي بالسواد:
    لا عادي اذا مشغوله اطلعي
    الأفق لا يعني السماء:
    مو مصدقه وااااااي .. اني اكلمك يا الغاليه
    على صفحة الحزن كُتب إسمي بالسواد:
    ههههههههه لا صدقي يالغلا انا اختك خواطر بشحمها ولحمها
    الأفق لا يعني السماء:
    تصدقين امي تسلم عليك واجد وتتابع كتاباتك ويعجبها فيك ثقلك على الشباب
    على صفحة الحزن كُتب إسمي بالسواد:
    الله يخليها لك يارب بوسي لي راسها
    الأفق لا يعني السماء:
    مايمديني
    على صفحة الحزن كُتب إسمي بالسواد:
    ليش؟
    الأفق لا يعني السماء:
    انا أدرس ببريطانيا وهي بالسعوديه
    على صفحة الحزن كُتب إسمي بالسواد:
    اهاا الله يعينك على فراقها
    الأفق لا يعني السماء:
    امين يارب ..
    على صفحة الحزن كُتب إسمي بالسواد:
    يالله وريني من كتاباتك دامنا فاضين
    ((توهق عبد العزيز : فيصل انقذنييييييييييييييييي
    فيصل : وش اسوي لك؟؟
    عبد العزيز : وش اقولها ؟؟ انا عمري ما كتبت سطرين على بعض ياربيييييييييييييييه))
    على صفحة الحزن كُتب إسمي بالسواد:
    وينك ؟؟؟
    الأفق لا يعني السماء:
    انا هنا بس ادور بجهاز صديقتي شي من كتاباتي مالقيت
    على صفحة الحزن كُتب إسمي بالسواد:
    اهاا اجل متى مادخلتي من جهازك وريني كتاباتك
    الأفق لا يعني السماء:
    ان شاء الله
    على صفحة الحزن كُتب إسمي بالسواد:
    الا انتي تحبين الشعر ولا الخواطر بالفصحى ولا بالعاميه ؟؟
    ((عبد العزيز : فيصصصصصصصصصل وش هالنشبه ذي
    فيصل : هههههههه دبر عمرك))
    الأفق لا يعني السماء:
    لا أنا أحب اللي تكتبينها
    على صفحة الحزن كُتب إسمي بالسواد:
    اهاا خواطر يعني .. حلو حتى انا أفضل الخواطر
    الأفق لا يعني السماء:
    <<<وجه مبتسم
    على صفحة الحزن كُتب إسمي بالسواد:
    على فكره نكك مره حلو .. من كتاباتك؟
    الأفق لا يعني السماء:
    لا والله بس جمله غاليه علي كثير .. اوكي خواطر تامريني بشي ابوي جاء
    على صفحة الحزن كُتب إسمي بالسواد:
    غريبه امك بالسعوديه وابوك معك؟؟
    الأفق لا يعني السماء:
    ايه تعرفين انا بنت صعب يخلوني بلحالي
    على صفحة الحزن كُتب إسمي بالسواد:
    زين ما اعطلك تشرفت بمعرفتك مع السلامه
    الأفق لا يعني السماء:
    مع السلامه

    صكها بلوك ....والتفت على فيصل : يامال الوجع .. هذي مو بنت هذي شيطااااااااااان كأنها حاسه ماغير تسأل
    فيصل : قلت لك انها صعبه
    عبد العزيز: فيصل انتبه لا تقول للشباب ان الايميل معنا
    فيصل : ليش؟
    عبد العزيز : بس كذا
    فيصل : عزوز .. لاتضر البنت بشي
    عبد العزيز: اقول وش رايك تلايط

    قفلت وريف الماسنجر وهي مستغربه البنت اسلوبها خبل وشلون صارت كاتبه؟؟ سبحان الله بس ذوقها بالنك رفيع يعني شكل كتاباتها حلوه ..


    كملت ويف بحثها وطبعته وإفتكت من هم هالبحث مايحتاج مراجع من المكتبه الحمد لله..
    رن جوالها : هلا فجوووووره
    فجر: هلا فيك شخبارك
    وريف: والله الحمد لله انتي اخبارك؟ خلصتي بحثك؟
    فجر: ايه خلصته الحمد لله.. وريف جاي على بالي ننزل السوق جميع اليوم
    وريف: تعرفين ماعندي أحد يوديني
    فجر: ادري بس لو نمرك ناخذك انتي وامك عادي؟
    وريف : يوووه وش يودي امي السوق؟؟ تتعب ياعمري ماتقدر
    فجر: طيب شوفي شادن
    وريف: ههههههههههه ياحبي لك على برائتك .. ما اتوقع تروح
    فجر: جربي وش بتخسرين؟
    وريف: ولا شي
    فجر: يالله عشاني كلميها.. خلينا نفلها اليوم
    وريف: اوكي اكلمها وأرد عليك
    فجر: يالله لا تطولين علي .. سلام
    وريف: الله يسلمك

    قفلت وريف من فجر .. ياشينك يافجر حطيتيني بموقف غبي .. اتصلت على شادن وردت عليها بسرعه..
    شادن: نعم
    وريف: هلا شادن شخبارك؟
    شادن : الحمد لله بخير انتي شلونك؟
    وريف: والله بخير .. شادن ممكن طلب؟
    شادن: قولي وشو
    وريف: اممم صديقتي اتصلت لي تبيني أروح معها السوق بس امك وامي ماراح يرضون اطلع بلحالي وعزمتك تجين معنا يعني عشان يوافقون
    شادن: مع اني قبل أمس رايحه .. بس عشانك طيب
    وريف استانست: مشكوره شكرا
    شادن اللي عرفت ان وريف خايفه من امها انها ترفض بس بوجود شادن ماراح ترفض قفلت السماعه وقامت تتجهز للسوق
    بعد نص ساعه بالضبط كان سلمان تحت بيت ابو زيادينتظر هو وفجر وريف وشادن
    سلمان: زين زوجها ليش طلقها؟؟
    فجر: ما احد يدري ولليوم هذا هو ماتزوج ولا هي تزوجت ..
    سلمان: يقرب لها؟
    فجر: مدري
    سلمان: الله يعينها
    فجر: خلاص خلاص هذا هي جات هي وبنت خالها
    دخلو وريف وشادن السياره وسلمت وريف: السلام عليكم
    فجر+ سلمان: وعليكم السلام
    وداهم السوق وراح هو للمقهى يستريح على مايرجعون
    فجر كانت ماسكه يد وريف وشادن جنبهم تمشي شافو برمودا بيضا ماتت عليها فجر اشترو وريف وفجر نفس الشي وطلعو من المحل كانت شادن ساكته طول ماهي معاهم كانو يتنقلون من محل لمحل يسولفون ويضحكون
    وريف: لا يفوتك هذاك الفستان كشخه يصلح لدكتورتنا العجوز ههههههههه
    فجر ناظرت بالفستان وفطست ضحك : ههههههههههههههههههههههههههههههههه اتخيلها فيه هههههههه
    وريف: شادن اذا تعبانه عادي نرجع البيت
    شادن: لا مو تعبانه
    كملو تسوقهم البنات وشادن أخيرا تكلمت : ابروح لمحل ملابس شبابيه
    فجر: والله فكره يالله
    دخلو المحل واختارت شادن قميص اسود وبرتقالي وبنطلون جنز
    وريف اللي حاسه انهم مهمشين شادن : حلو ذوقك شدون
    شادن : هذي لزياد
    فجر: اممم حلوه مره فظيعه ابشتري لسلمان وحده ههههههههه ماعمره لبس كذا دومه وهو بثياب
    وريف: اؤؤ شكله رسمي مره
    فجر: بالعكس .. بس تعرفين طوول يومه دوامات .. الله يخليه لنا يارب.. هو ابونا وهو اخونا وهو كل شي
    إشترو الملابس وخلصو كل شي واتصل فجر على سلمان على شان يمرهم
    سلمان: مابغيتو تخلصون ؟؟
    فجر: اسفه ...
    سلمان: ولا اسفه ولا شي فداك يالله بس اللحين بطلع انا بالكوفي اللي قدامكم
    طلع سلمان كان قدام البنات وجها لوجه شادن حست بشي داخلها تحرك .. ماشاء الله عليه مو كبير ويوم توصفه فجر توقعته بالخمسين ..
    ركبو البنات السياره ورجعو وقبل تطلع وريف من السياره قالت : مشكورين
    فجر: العفو
    نزلو البنات وقبل يدخلون البيت وريف مسكت شادن مع كتفها : شادن .. مشكوره انك رحتي معنا والله تونسنا
    شادن: العفو ماسويت شي صديقتك اللي ونستك
    دخلو البيت .. شادن طلعت غرفتها ووريف راحت لامها : السلام عليكم
    ام وريف: وريف طلبتك جيبي لي مويه لي ساعه انادي الشغاله ولا ترد علي
    وريف: افاا اللحين اجيب لك
    وراحت ركض جابت لامها مويه .. وبعد ماشربت امها : الله يسقيك من حوض نبيه يارب
    وريف: يمه وش رايك أطلع لك جوال عشان لو بغيتي شي تتصلين علي اجيب لك ؟؟
    ام وريف: هههههههههههه وش كبري وتبين معي جوال
    وريف: وش فيها يمه عادي
    ام وريف : لالا ما ابي
    وريف: طيب شرايك تجين عندي بالغرفه منها أحد يملي علي المكان ومنها احط بالي عليك
    ام وريف: لا ياحبيبتي انا بغرفتي اريح لي وانتي غرفتك بارده علي
    وريف: اللي يريحك .. يالله تامريني بشي بروح انام تعبانه من فرفرة السوق وترى فجر تسلم عليك
    ام وريف: الله يسلمها ويسلمك .. لايمه ما ابي شي روحي إرتاحي
    دخلت وريف وهي مستانسه كتبت مسج لفجر وأرسلته ..
    فجر اللي كانت توري سلمان ملابسه اللي جابتها له رن المسج.. قرت المسج ومن كل قلبها ابتسمت.. ناظرت بسلمان :شفت ياسلمان
    سلمان: وشهو؟
    فجر: مرسله لي .. الله لايحرمني منك ونستيني اليوم
    سلمان: مسكينه .. الله لايفرقكم
    جوري: اكيد وريف؟؟
    ام سلمان: من هي؟
    فجر تضحك : ههههه ايه وريف
    ام سلمان: من هي وريف؟
    فجر : صديقتي .. يمه وش رايك تعرفين على امها؟؟
    ام سلمان : ليش؟
    فجر: امها مقعده لاتروح ولا تجي وانتي لاتروحين ولا تجين وبيتهم قريب تتعرفون تونسون بعض
    ام سلمان : ان شاء الله حددي معهم يوم وانا اروح ماوراي شي
    جوري: وناسه ابشوف هالوريف ذي




    عبد العزيز : فيصل يامال الفتره دبرني
    فيصل: دبر عمرك .. شف لك أحد يكتب عنك
    عبد العزيز : ابنقل كتابات من أي منتدى
    فيصل : لاااااا انتبه يالثور
    عبد العزيز : ليش عاد؟
    فيصل: اقولك هي كاتبه يعني اكيد بتكشفك
    عبد العزيز : طيب وش ازين اللحين؟
    فيصل: اكتب انت؟
    عبد العزيز : وشهووووووووو انا الماده الوحيده اللي اخاف من الرسوب فيها التعبير
    فيصل: هههههههههههههه حاول ولا انسى السالفه بلوك وديليت وخلاص

    بعد يومين

    فتحت وريف الماسنجر شافت اسيرة الذكريات اون لاين





    انشالله الباجي لما اشوف ردووودكم ...


    التعديل الأخير تم بواسطة عزف الأمنيات ; 20-Dec-2008 الساعة 01:22 PM

  2. 17-Dec-2008 12:32 PM

    رد: روايه لاقلت أحبك إسكتي وإحضنيني للكاتبة عطر العبير غاية الروعة

    ربي يعطيك العافية على الطرح وماننحرم تواجدك في القسم ,

  3. 17-Dec-2008 08:28 PM

    رد: روايه لاقلت أحبك إسكتي وإحضنيني للكاتبة عطر العبير غاية الروعة

    اقتباس المشاركة الأصلية كتبت بواسطة مــــــلاك فارس مشاهدة المشاركة
    ربي يعطيك العافية على الطرح وماننحرم تواجدك في القسم ,


    يعافيج يارب ...
    مروورج عطر صفحتي ...
    ولا نحرم منج ومن ابداعاتج ...

  4. 18-Dec-2008 02:22 PM

    رد: روايه لاقلت أحبك إسكتي وإحضنيني للكاتبة عطر العبير غاية الروعة

    [align=center]
    شسالفه ياجماعه وين الردوود ...
    [/align]

  5. 18-Dec-2008 08:15 PM

    رد: روايه لاقلت أحبك إسكتي وإحضنيني للكاتبة عطر العبير غاية الروعة

    فديتج ياكل الغلا 000 روايتج روووووووعة000 يسلملي قلبج الكبير 000 والله انها رووووووووعة وبتصير أروع اذا نزلتي الاجزاء الباقية بسرعة بدون ماتحرقين اعصابنا بالانتظار 000هههههههههه000 ترى انا ماحب الانتظار عدوى اللدود 000 بس لخاطر عيونج الغالية راح أنتظر000 بس مو وايد 000 وبعدين ودى أعلق وأتمنى الكل يقرا التعليق مو شرط الاعضاء يردون احيانا يكونون مستعجلين أو ناطرين كل الاجزاء عشان يعلقون مرة وحدة أو يخونهم التعبير فما يردون أوفي ناس تحب تناظر وماتعلق بمعنى تقرا وتعبر بقلبها000 وفي ناس تخاف تعلق تعليق يَزَعل وينحرجون أو 0000الخ 000 هذا احساسي 000 وأتمنى ماغثيتج يالغلا00

  6. 18-Dec-2008 10:55 PM

    رد: روايه لاقلت أحبك إسكتي وإحضنيني للكاتبة عطر العبير غاية الروعة

    لا بالعكس ياغلاتي ...
    وعشان خاطر عنونج بنزلها الحين ...

  7. 19-Dec-2008 01:03 AM

    رد: روايه لاقلت أحبك إسكتي وإحضنيني للكاتبة عطر العبير غاية الروعة

    بصـرااحـهـ مرررررررررهـ حلوة
    تسلمي ياعسل
    وبليززززززز كملي الباقــي مرررة متحمسـهـ
    بليززززز بأاســرع وقت


 
صفحة 1 من 4 1234 الأخيرةالأخيرة

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •