النتائج 1 إلى 1 من 1

الموضوع: شعر عتاب عراقي 2017 , اجمل شعر عتاب عراقي 2018

  1. #1
    تاريخ التسجيل
    Jul 2008
    الدولة
    من مكان مظلم
    المشاركات
    1,122
    معدل تقييم المستوى
    31

    شعر عتاب عراقي 2017 , اجمل شعر عتاب عراقي 2018

    اجمل ابيات قصيدة عتاب الحبيب لحبيبته عتاب الخطيبه لخطيبها اقوى شعريه شعر عتاب عراقي شعر عتاب عراقي للحبيب شعر عتاب عراقي حزين شعر عتاب عراقي للصديق شعر عتاب عراقي قصير شعر عتاب عراقي فيس بوك

    شعر عتاب عراقي

    عتاب عراقي 2017 اجمل عتاب عراقي 2018 1146815.jpg

    شعر عراقي
    احس متغير اني ومـــــــالي خلك الناس
    وأحس تعبان كَلبي. من الوكت مــــــقهور
    مثل غيمة حزن تمـــــطر علي كبـــــريت
    وانه بنار عايش والدمـــــوع. تــفــــــــــــور
    كل يوم الامس مثل الفلــــــم ينعــــــــاد
    وباجر والامس والجاي نفـــــــس الطــــور
    ناعور الوكت يســـــــگيني جان. اشـــعار
    وافتر الوكت وانه الــــــصرت ناعـــــــــــــور
    جنت اضحك واسولـــــــــف ويا هذا وذاك
    على غفلة ولگيت الناس. كلها جــــــــور
    طرت بجـــــــــناح واحد للفرح فد يـــــــوم
    شو حتـــــــى الفرح ردني بجنح مكسور
    ضيعت البـــــــــخت . وانه الجنت محـــظوظ
    حتى ويا العــشك ما عشت لحضة بنور
    يا كَلبي شكثر عذبـتك انت ويـاي
    احس كَلبي على كَلبي من الحزن مفطور



    -----------------



    يايل ماخذ صفنتي شلون بله وياك فهمني بمرامك شرد اسويلك تجر اعصاب كلبي صير جنه وتار. وبدمعت عيوني راح انه اغنيلك سويتك ضريح ومنبر العشاق بعد شتريد مني وشرد اسويلك انه. طيتك عمر وطيتك الدلال ولو زحمه الفضل لو رايد احجيلك من طكك برد صرت انه الك تموز . ويجيك اليل انه ونت اكض ليلك تنكر عشرتي وانته بيه تخون وكت الصلاه وكلبي ضل يدعيلك ما ريدك بعد كلشي . انتهه وياك ولا تحلم بعد عود انه ابجيلك


    -----------------


    انا بلياك مثل الكَاع…. اذا ما احضنك اتفطر
    غده ميل انتظارك سيف … وانه بكل كتر منحر
    طفت روحي وظلامي ازداد..
    غطيت الشمس بالليل … صعبه بغيرك اتقشمر
    الامل كَد ماكبر شيب .. وكَام بكلشي يتعثر
    تناقض بيه ماينكَال …. اكرهك والتفت واشتاكَ ..
    اشكن صورتك واندم … وارد لطيفك اتعذر …
    ضميت ومالكَيتك ماي … شربت اخر عتب مافاد
    نويت امشي واذبك غاد …. يم اخر جرح واصبر ..
    واكَل لرويحتي تحملي …. كَضه موسم حنيني الجايج نسيان…
    بس المشكله بطاريك …. كلما يرجع اتذكر
    يل بعمر الورد ضليت … انه عمري انربط بالليل
    يكبر والصبح يزغر
    خذاني الموت مالك جيه يم كَبري؟
    بس فكر تجي ولتخاف
    اشكَ جفني واجي ابالك. .
    انوي ومو شرط تحضر ..
    واذا نيتك صدك ياريت
    تجيني ووعد تلكَاني . عله باب المكَبره موزر
    اعزبلك نخل بالصيف . اجيب فياي مدري منين
    اخاف عليك لا تحتر
    عرضوني بغيابك ضلمه عد عميان . وصاحو بيش يتقدر؟؟ ..
    واجه الشراي قيمني ..وتلمس جروحي وكَال …
    بالميت اذا يسوه… اذان بديره الكفار . سعره ومايجيب اكثر..
    كَضه عمري وانه وطاري الفرح صحبان …
    اموت بلا هوه المعشر . …
    اناشغ بس اضحك البلكَبر مدفون..
    واسوي الماتشيله عقول…
    ادكَ جدمي عله باب جفاك
    وارسم وجهك بمكَفاك . واحلف كَلبي ماينساك
    ويمر طيفك يشضيني..
    عله حايط عشرتك تذكار .
    وانه شحصلت غير الطيف
    اهي مره تفز عيني. وعشر مرات تتبسمر
    اعتب ع الدرب من خذك مارد بيك
    ماترهم واتبعك وين. اجي ولا ترهم اتكتر
    لمتحف دربك اتعنيت … شعر عتاب عراقي
    بلجن محتفظ سهوأ . لاثر من جدمك الهيهات
    اشوفه بدربي يتكرر…
    اروحن وين من طاريك
    حقل الغام اليكَصده …. غصبا ماعليه يحذر
    من انكَل جدم سالفتي.. عله غيرك عمري يتوذر
    ما اطمع واريد انساك
    انه شفايتلي واتناساك
    نعمه وكَلبي يتمنه . وحرام ان جان يتبطر
    يل مغيم عتب لاوين. حدك خاطر اتنطر
    عله بالي شما يمر نسيان
    اذكرك والعن الشيطان
    متى تفك قيد ذاكرتي . وخيالي الماختم قصتي …
    ذنبي وماعرفت انسه .. وكمت كلما يلومونك . اكلهم والله ماقصر
    شبيدك خاطر تسويه ..
    حابسني بسجن مفتوح . انه الما اعرف اتحرر
    عشت مثل اليتاني اعدام
    لابس مغربيتي ثياب…بقلق من خطوه السجان
    تخطف لون البوجهي .



    عتاب عراقي 2017 اجمل عتاب عراقي 2018 1146816.jpg

    وغصب تطيني لون اصفر
    اليلوم بلا سبب معذور .. اهو الساكن ابيت الشوك ..
    يدري بحال التهجر؟؟
    بامل نيتك بقيت اتناك
    واقنع عيوني اكَلهن جاي …. وكَلبي يكول يتاخر
    ولو شيفيد لو رديت…
    علكَوني بحبل طاريك. وكبرو صورتك بالطيف
    واخذو حلمي من عيني
    ومتت من سدو المحضر



    ------------------


    تركني وعني كال تروح ولاه
    عليه وميت الف شيطان ولاه
    كلتله بحبي احلفك كال والله
    وظحك ظحكه خنكلي الروح بيه



    ——————————–
    نشغ كلبي نشيغ الطفل لماه
    عليك شكد حزن بالروح لماه



    تعال بصوت صاح اعليك لما
    تفطر واحس نار تشيط بيه
    —————————–



    موكافي حزن ياكلبي مامليت؟
    مثل دمعة يتيم اليوم حالك



    بجيت هوايه حتى الدمع ملاّك
    وطلب دمعك كلب ثاني إبدالك



    وحقه الدمع لوملّك ومعذور
    لأن ماكو كلب وفه بمثالك



    شمالك ياكلب صدكت بالناس
    وثقت بيهم عليمن شنهو اجالك



    عافوك التحبهم وبرخص باعوك
    ووفيت بحبك ومحد وفالك



    اريدك ياكلب تنسالي الهموم
    ولاتعتب بعد اكطع وصالك













    شما اقرب عليك
    .. اتزيد حسراتك
    ... اذا خايف احرجك .. گلي ليش اتخاف ... ؟
    ماريد آنه اصبح .. سبب مأساتك
    .. احسب للطريق ، وشوف دربك زين
    .. بس آنه اعتقد .. حاسب حساباتك ..
    مرات اني اشوفك .. قمه بالاشواگ
    .. ومرات احس گلبك .. عكس نظراتك ..!!
    اشوفك ترف ، واطمع ع الترافه البيك اجيك
    .. وتنگلب قاسي بعلاقاتك
    يـ ( حبيبي) بالكرم
    .. واكثر بعد للناس
    .. بس وياي .. تبخل ليش ساعاتك
    تلعب على اجروحي .. وتضحك ومرتاح
    .. وأنا ابطيبة گلب .. احمل جراحاتك .
    . واضح ويه غيري .. وغامض انت وياي
    .. اتمنى اني غيري .. واحوي ضحكاتك
    بس راح اني اعوفك .. وانشغل بالروح
    .. وما تلگي من يمسح غيري دمعاتك




    قصيدة عتاب للحبيب
    مو ذاك الاعرفك انت من سنين
    اطباعك علية هواي مختلفة
    مدغيرة الملامح بيك والاشواك
    وجياتك احس مابيها اي لهفة
    جنت تجرح كبل يومين عندي يطيب
    هسة الجرح منك ابد مايشفة
    وجنت توكف كبل والعين تحجي العين
    هسة شبيها عينك شو صفت صلفة
    كبل حجيك ذهب والناس تمدح بيك
    ومن تحجي عسل تتناثر الشفة
    هسة اختلف حجيك كلة ذم واعتاب
    وبكلمن يودك كمت تتشفة
    على جتافي حملتك سرت بيك دروب
    وبنار العشك جمدوب اتحفة
    مو تدري انة احبك وانت بية الروح
    اسهرلك ليالي وعيني ماتغفة
    شسولف من ****ك بية صار سنين
    ونار البية منك ابد ما تطفة
    شمسح من ذنوبك وانت شو كل يوم
    تجرح بالكلب وادكلي ما اشفة
    طك صبري وخلص والدمع شح العين
    وهم البلكلب ماضن بعد يخفة
    من عندك نهوني صحبتي واخوان
    كالولي صحبتك بالهوى سعفة
    وكالولي اتركة ماية خابط طين
    لتضن بمحبتك يركد ويصفة
    كدامك بحر مكشوف بس من فوك
    لو تنذر عمر ماتكدر اتعرفة
    كدامك بحر مكشوف بس من فوك
    والجوة البحر ماتكدر اتعرفة
    عاندت ومشيت وكلت رحلة شوك
    حطيت البلم وامواجك تحرفة
    حطيت البلم وامواجك تحرفة




    شعر اخر عتاب عراقي
    خل نتعاتب حطني وحطك آنة لحبك ويكرهونك
    غايب عندي مسجلك حاظر حاظر عدهم ويغيبونك
    يلوياي أعيونك تبجي وبس وي غيري أضحك اسنونك
    تدري أشگد سباني لسانك بگد ما مدحك ويسبونك
    أجيت بحرگة وآخذ ثاري ومن لاگيتك گلت أشلونك
    ما متغير هاي أطباعي وأنت أتگلي أتغير لونك
    لا ما غير حتى أهدومي بس خاف انته مغير أعيونك
    من رمل أجفوف الشايلتك بس أتهب ريح أيطيحونك
    وجتفتك بمتوني وشلتك وما گدرو مني يذبونك
    ومن ينهد حيلي أترد ألهم وصعدهم فوك أمتونك
    غايب عني ولا ماناسي وانته اليمهم ميذكرونك
    أيذكرونك من تصافح بس أتهد جفهم ينسونك
    تدري وياي أشگد مقصر بگد ما منطي وما ينطونك
    بگد جف الماسح دمعاتك وگد مسحت جفهم ماعونك
    أرضه أترد وشايل راسك وأرضه أترد وأرضه أيردونك
    وأرضه أترد مكسور الخاطر بس لترد مكسورة أعيونك




    شعر اخر عتاب عراقي
    سهله اشلون عندك تجفي الاحباب
    وتعوف الموده وتنكر …. العشره
    وتسويها بزعل ما نعرف .. الاسباب
    وخاطرنه عليك تزعله … وتكدره
    بطلنه العتب لن ما يفيد … عتاب
    لان تنكر بساع وحجيك ….. تغيره
    روح وداعة الله ولا تدك …. الباب
    وغيابك نعرفه بيوم …… ونفسره
    اوديلك رساله ويه الهوى الهاب
    وارسملك كلب مجروح من .. قهره
    عرفتك ما تحب وبالعشك … جذاب
    وكلام الشوك تختاره …. وتسطره
    يا خايب لا تأمن للوكت … دولاب
    يجيك اليحرك كليبك ….. يحيره
    وتجيني ودمعك من الندم …. سجاب
    بس الخان كلبي ما ……. اعذره
    واليغدرني مره بلاية …… اسباب
    اسد بيبان كلبي وما ….. اقدره
    ولا افسح مجال واسمع ….. عتاب
    اخاف يلين كلبي وينسه …. غدره
    واحلفلك كليبي من السهر … تاب
    بعد ما الوم كلبي ولا … واسهره






    شعر اخر عتاب عراقي
    اصبر الروح بيش و انت بيه الروح
    و اذا تطلع اظلن بس جسد خالي
    لكيتك من جنت ما لاكي كل الناس
    انت اول محب و انت صرت تالي
    يلكلك محبه و انت احن مخلوق
    معقوله الحمامه اتصير كتالي
    صح ماكو بجمالك اني ادري بهاي
    و روجه رقتك ما كظها اي جالي
    حرام اعليك تزعل ونته الصوج
    اجيك انه اعتذر و بلا ذنب خالي
    تزعل ليش
    غالي و كلشي عندي و ما اهدك دووم غالي
    و هسه حبك جيف صرت غالي
    احسك تختلف عن كل الناس بعيوني اشوفك علنجم عالي
    و اشوفن دمعتك ما جنها تنزل ماي
    ذهب تنزل دمعتك تجدح اتلالي
    الك بستان عمري بكل ثمن مزروع
    راضي بكلشي منك كلشي يحلالي
    اجيك و من ارد فارغ ارد للغير
    و عنب بس اعله مودك تارس اسلالي
    يمك انسه روحي و من اكون وياك
    و على فنجان شفتك تركع ادلالي
    الواشي بلا بخت مرني و زعلك
    اموت انه ولا يوم اجرحنك و زعلك
    حلو كلك على بعضك و زعلك
    بحلاتك فدوة بس ارضىعليه














    مواضيع ذات علاقة بـ شعر عتاب :-

    شعر عتاب قصير
    شعر عتاب قوي جدا
    شعر عتاب عراقي
    شعر عتاب حبيب
    شعر عتاب وحب
    شعر عتاب للزوج
    شعر عتاب الحبيب
    شعر عتاب للحبيب
    شعر عتاب يوتيوب
    شعر عتاب صديق
    شعر عتاب يوتيوب بدون موسيقى





    التعديل الأخير تم بواسطة EMAD ; 17-Dec-2016 الساعة 11:00 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •